Haunted: egungo argazkigintza-bideoa-performancea
Sherrie Levine
Christian Marclay
Atalak
Nate Lowman
- Izenburua:
- Nate Lowman
- Erakusketa:
- Haunted: egungo argazkigintza-bideoa-performancea
- Gaiak:
- Artea eta gizartea | Artea eta komunikabideak | Artea eta umorea | Sorkuntza artistikoa | Materiala | Masa-kultura | AEB
- Artelan motak:
- Eskultura | Pintura
- Aipatutako artistak:
- Lowman, Nate
Komunikabideetako irudiak modu probokatzailean erabiltzen ditu Lowman-ek; hartara, egungo ikusizko kulturan uztartuta dauden distopia-korronteak azaleratzen ditu. Azken afaria laneko irudiak egunkari bateko ebakin batetik atera zituen; horretan, AEBko muga zeharkatzen saiatzen ari ziren Guatemalako etorkinak ezkutatzen zituen kamioia ikusten da X izpiei esker. Gehiegi hazi diren soroak jasotzen dituen Bazkaria lanean, berriz, AEBko diru-laguntza bidezko nekazaritzaren gainbeheraren berri ematen zuen albiste bat bereganatu zuen. Galtzailea lanak umore sarkastikoa du ezaugarri, tamalez Catharina Loser (“galtzailea”) zorigaitzezko izena zuen bati gorazarre egiten baitio. Are nabariagoa da irudi morbosoen erabilera Nola berreskuratu autoa garabiak eraman duenean 1. zk. lanean: New Yorkeko polizia-departamentutik berreskuratutako garabi baten osagai herdoilduan datza eskultura eta aldi berean gurutze bat, txorimalo bat edo urkabe bat ematen du. Lan hauek, esplotazio, gizarte-baztertze eta gezurrezko promesa kutsuaz blai, amets amerikarraren zeharkako elegiarena egiten dute.