Haunted: egungo argazkigintza-bideoa-performancea
Trauma eta makurra dena
Bereganatu eta artxibatu
Atalak
Philippe Parreno
- Izenburua:
- Philippe Parreno
- Erakusketa:
- Haunted: egungo argazkigintza-bideoa-performancea
- Gaiak:
- Artea eta espazioa | Artea eta musika | Artea eta paisaia | Eragin artistikoa | Sorkuntza artistikoa | John Cage
- Artelan motak:
- Ikus-entzunezkoa
- Aipatutako artistak:
- Parreno, Philippe | Rauschenberg, Robert
Parrenok non eta noiz erakusten diren arabera aldatzen diren objektu gisa ulertzen ditu bere artelanak. Gauza baten ametsa 60 segundoko film batek, hori emateko panel zuriek eta ondorengo isiltasunak osatzen dute. Mugimendudun irudi distiratsua Norvegiako mendixka baten ikuspegia da, time-lapse teknika erabiliz atera dena, eta Edgar Varèse musikari frantsesaren lan batek lagunduta erreproduzitzen dena. Emanaldia ondoan, artelanaren izena jasotzen du ilunpean dir-dir egiten duen txartela batek. Pantailarena egiten duten bost panel zuriak, argiak piztu ondoren ikus daitezkeenak, Robert Rauschenberg-en 1951ko Pintura zuria (White Painting) lanaren kopia dira. Filma berriro hasi arte igarotzen den 4 minutu eta 33 segundoko tarteak John Cage-ren 4’33” (1952) soinu-lan ezagunari erreferentzia egiten dio; izan ere, musika-emanaldi hori tarte horixe irauten duen isiltasunean datza eta Rauschenbergen pintura horrek hein baten inspiratu zuen lana ere bada. Hala ere, erreferentzia horiek filma areto batean ematen denean baino ez dira agertzen eta lana Suediako zinema-aretoetan emateko sortu zen 2001ean. Iragarkien eta film-luzeen artean ematen zen eta iragarkien iraupen bera zuenenez, merkataritzaren eta ikuskizunen eremuan bidegabe sartzea zen.