Irudiak mugimenduan. Guggenheim museoetako bildumako gaur egungo argazkiak eta bideoak
Anna Gaskell, Izenbururik gabea (desilusioa) [Untitled (override)]
Sam Taylor-Wood, Bakarrizketa I (Soliloquy I)
Iruzkinak
Mariko Mori, Lur garbia (Pure Land)
- Izenburua:
- Mariko Mori, Lur garbia (Pure Land)
- Erakusketa:
- Irudiak mugimenduan. Guggenheim museoetako bildumako gaur egungo argazkiak eta bideoak
- Gaiak:
- Artea eta teknologia | Sorkuntza artistikoa | Tamaina | Paisaia | Budismoa | Espiritualtasuna | Herri-kultura | Japonia | Ametsak | Tradizioa
- Artelan motak:
- Argazkia
- Aipatutako artistak:
- Mori, Mariko
Argazki erraldoi hau Mariko Mori artista japoinarrak sortu zuen 1998an. Bertan, tradizioa eta modernitatea, espiritualtasuna eta teknologia aztertzen ditu.
Obraren izenburua, Lur garbia (Pure Land) alegia, berpizkundeari dagokio, berraragiztatzearen ziklo budistan. Lur garbia paradisu bat da, dagozkion alderdi sentsualek eta hedonistek markatutakoa. Lur garbiaren irudiak oso ezagunak dira Japoniako arte tradizionalean. Zapi uhinduak daramatzan dantzari bat erakusten digu, instrumentu tradizionalak jotzen ari diren gorteko musikariez inguratua. Morik paper nagusia antzezten du hemen. Musikariak kreatura bitxiak dira, artistak asmatutakoak, eta erdi cyborg, erdi estralurtar itxura dute. Baina jotzen ari diren instrumentuak gaur egun Japonian zeremonia sintoistetan eta budistetan erabiltzen jarraitzen diren instrumentu zaharrak dira. Irudiaren erdian ur gainean dagoen loto-loreak hauxe adierazten digu, paradisuan loto-lore batetik berriro jaiotzen garelako sinesmen budista.
Lur garbiaren eszenatokia Itsaso Hilaren paisaia da, lurraren punturik baxuena. Areto honetako Moriren gainerako irudietan, artistak beste paisaia ikusgarri batzuk erabiltzen ditu bere ametsezko ikuspegi futuristen eszenatoki gisa, adibidez: Gobiko basamortua; Arizonako basamortu pintatua; eta Frantziako kobazulo bat, milioika urtez urak landua. Irudi horietako bakoitzean artista bera agertzen da, eta bere irudia batzuetan bikoiztuta ikusi ahal izango dugu. Artistaren argazki hauek, asmatutako objektuekin eta kokaleku desberdinekin batera, konbinatu eta manipulatu egiten ditu ondoren ordenagailuan, irudi fotografiko bakar bat sortzeko. Emaitza etorkizunaren ikuspegi haluzinagarri bat da, hala ere lehenaldiko tradizioak barne hartzen dituena.