Irudiak mugimenduan. Guggenheim museoetako bildumako gaur egungo argazkiak eta bideoak
William Kentridge, Felix erbestean (Felix in Exile)
Iñigo Manglano-Ovalle, Glenn, Dario eta Tyrone, Gozamenen lorategia seriekoa
Iruzkinak
Glenn Ligon, “Liburu Beltza”-ren albo-oharrak (Notes on the Margin of the “Black Book”)
- Izenburua:
- Glenn Ligon, “Liburu Beltza”-ren albo-oharrak (Notes on the Margin of the “Black Book”)
- Erakusketa:
- Irudiak mugimenduan. Guggenheim museoetako bildumako gaur egungo argazkiak eta bideoak
- Gaiak:
- Generoa eta sexualitatea | Artea eta gizartea | Artea eta identitatea | Eragin artistikoa | Sorkuntza artistikoa | Materiala | Biluzia | AEB | Robert Mapplethorpe
- Artelan motak:
- Argazkia
- Aipatutako artistak:
- Ligon, Glenn
Testu inprimatuekin nahastuta agertzen den argazki-serie hau Glenn Ligon artista iparramerikarrarena da, eta laurogeita hamarreko hamarkadaren hasieran sortu zuen. Urte batzuk lehenago, 1986an, Robert Mapplethorpe argazkilari ospetsuak bere Black Book (Liburu Beltza) egin zuen —gizon beltzen argazki bidezko estudioa—. Irudi hauetako asko biluziak dira eta batzuk oso erotikoak, eta oihartzun handia izan zuten. Jendearen iritzia oso desberdina izan zen, batzuengan asaldura handia sorrarazi bitartean, beste batzuk miretsi egin zituzten eta haiekin idenfitikatu ziren.
Glenn Ligon artista ezaguna da historia afroamerikarrari buruz egin duen ikerlanagatik. Bere obrak Amerikako erdi-mailako klasean beltza eta homosexuala izateak planteatzen dituen arazoak aztertzen ditu baita ere. Bere irudietan hizkuntza barneratzen duen pintorea delako ezaguna da batik bat. Berak dioen bezala, “hizkuntza materiala den zerbait izatea lortu nahi dut, benetako pisua eta indarra duen zerbait”. Mapplethorperen Black Booki eman zion erantzuna berak zuen liburuaren ale baten orrialdeetan irudi bakoitzaren aurrean izan zituen erreakzioak zirriborratzea izan zen. Baina bere erantzuna hobeto ordenatu nahian, obra honetan, “Liburu Beltza”-ren albo-oharrak izenekoan, Ligonek Mapplethorperen liburuaren jatorrizko ordena mantentzen du. Argazkietako bakoitza bi ilaratan kokatzen du, eta tartean pilatzen aritu izan den testu txikiak txertatzen ditu, markoztatuak eta makinaz idatziak. Testu horiek, ordea, ez dira bereak. Mapplethorperen irudiak iruzkindu dituzten beste pertsona batzuen aipamenak dira: filosofo, aktibista, komisario, homosexual, historialari eta predikarienak. Irudien ondoan jarritako pentsamendu eta iruzkin horiek identitate pertsonalari buruzko galderak planteatzen dituzte, sexu, arraza eta desio arazoak nahasten direnekoak.