Irudiak mugimenduan. Guggenheim museoetako bildumako gaur egungo argazkiak eta bideoak
Marina Abramović, Ispilua garbitzen 1. zkia (Cleaning the Mirror # 1)
William Kentridge, Felix erbestean (Felix in Exile)
Iruzkinak
Ann Hamilton, Izenbururik gabea (xurgatzeko gaitasuna) [Untitled (the capacity of absorption)]
- Izenburua:
- Ann Hamilton, Izenbururik gabea (xurgatzeko gaitasuna) [Untitled (the capacity of absorption)]
- Erakusketa:
- Irudiak mugimenduan. Guggenheim museoetako bildumako gaur egungo argazkiak eta bideoak
- Gaiak:
- Giza gorputza | Artea eta pertzepzioa | Artea eta emozioa | Sorkuntza artistikoa | Soinua
- Artelan motak:
- Bideoa
- Aipatutako artistak:
- Hamilton, Ann
Lau bideok osatutako serie hau Ann Hamilton artista iparramerikarrak sortu zuen 1988 eta 1993 urte bitartean.
Hamiltonen obrak lehen planoan jartzen du zentzumenen esperientzia. Lau bideo hauek bisualki adierazten dute ukimena. Bideo hauetatik hirutan urak guztia hartzen duela antzematen dugu: lepotik irristatzen da, belarria hartzen du eta ahoa betetzen du. Bi azken hauetan, entzumena eta mintzamena ur-isuriaren ukimen-sentsazio soilak ezabatu dituela antzematen dugu. Hala ere, eta kontrastean, laugarren bideoan begien bistakoa da ahoa lehorra dagoela, harriz betea. Bideo hau, Izenbururik gabea (alef) lau horietatik soinua barneratzen duen bakarra da. “Alef” hitzak hebraierazko alfabetoaren lehenengo hitza adierazten du, oklusio glotal gisa ahoskatua. Hizkuntzaren sorburua da, beraz. Hemen ahoak keinuak egiten ditu hitz egiteko, eta borrokan ari da isiltasunetik soinura igaro nahian, baina harriek soinu egitea eragozten diote, ordea.
Gorputz-esperientziak hain grafikoak diren xehetasunen bidez aztertzean, bideo hauek intimitate-sentsazio sakona sorrarazten dute ikuslearengan. Eta zentzumenak adieraztean, gorputzean adimenean baino errotuagoak dauden oroipen fisikoak ere iradokitzen dizkigute. Hamiltonek ezagutza zentzumenen nahiz adimenaren bidez lortzen dugula adierazten digu hemen.