Irudiak mugimenduan. Guggenheim museoetako bildumako gaur egungo argazkiak eta bideoak
Uta Barth, Eremua 23. zkia (Field #23)
Rineke Dijkstra, Kolobrzeg, Polonia, 1992ko uztailaren 27a (Kolobrzeg, Poland, July 27, 1992)
Iruzkinak
Gabriel Orozco, Pilota uretan (Pelota en agua)
- Izenburua:
- Gabriel Orozco, Pilota uretan (Pelota en agua)
- Erakusketa:
- Irudiak mugimenduan. Guggenheim museoetako bildumako gaur egungo argazkiak eta bideoak
- Gaiak:
- Sorkuntza artistikoa | Materiala | Paisaia | Ingurunea eta natura | Dualtasuna
- Teknikak:
- Marrazkia
- Artelan motak:
- Argazkia | Bideoa | Eskultura | Instalazioa | Ready-made
- Aipatutako artistak:
- Orozco, Gabriel
Gabriel Orozco artista mexikarrak eskulturak, marrazkiak, instalazioak, bideoak eta argazkiak egiten ditu. Bere lanetan aztertzen dituen gaiak bezain anitzak diren baliabideak erabiltzen dituela esan genezake, beraz. Gai horien artean ditugu: kausala eta mundukoa denak esanahia sortzen duten modua; espazioaren eta denboraren eraikuntza; eta formek itxura aldatzeko duten gaitasuna. Bere eskultura asko objektu aurkituekin eginda daude, esate baterako airea joan zaion futbol-pilota, igogailu baten gelatxoa, eta Citroen markako autoa, hiru zatitan moztutakoa eta ondoren berriro muntatutakoa. ‘Ready made’-arekin ezarritako elkarrizketa hori begien bistakoa da Orozcoren argazkietan ere. Bere jaioterrian, alegia Mexikon ustekabean topatu dituen lekuak eta gauzak dokumentatzen dituzten argazkiak dira, baita munduko beste leku batzuetan aurkitu dituenak ere, esate baterako Indian, Islandian eta New Yorken.
Lehen aldiz begiratuz gero, 1994ko argazki honek ildaskatutako lainoez beteta dagoen zerua irudikatzen duela ematen du, ilargia edo planeta bat erdian dela. Baina izenburuak adierazten duen bezala, alegia Pilota uretan, uraren argazki bat da. Putzu bat da, zerua uretan erdi sartuta dagoen pilota batekin islatzen denekoa. Orozcori itxuraz kontrakoak diren gauzak elkartzea gustatzen zaio, eta irudi poetiko honetan, zerua eta lurra, kosmikoa eta mundukoa dena elkartzen ditu.
Artistak sarritan esku hartzen du aurkitzen duen horretan, material aurkituak berriro antolatuz eta eraikuntza berri horien argazkiak eginez. Batzuetan arrunta dena aukeratutako izenburuarekin aldatzen du besterik gabe: adibidez, tutuen nahas-mahas batek esanahi sinbolikoa eta asoziaziozkoa hartzen du Olagarroa izenburuarekin; eta buztinazko bi pare lore-ontzik giza ezaugarriak hartzen dituzte Bi bikote izenburu adierazgarriarekin. Bere mugimenduak eta jarduera artistikoak jasotzeaz gain, Orozcoren argazkiak objektuen eta gorputzen arteko harreman sinple baina funtsezkoaren erregistro poetikoak dira baita ere.