Irudiak mugimenduan. Guggenheim museoetako bildumako gaur egungo argazkiak eta bideoak
Sam Taylor-Wood, Bakarrizketa I (Soliloquy I)
Ann Hamilton, Izenbururik gabea (xurgatzeko gaitasuna) [Untitled (the capacity of absorption)]
Iruzkinak
Marina Abramović, Ispilua garbitzen 1. zkia (Cleaning the Mirror # 1)
- Izenburua:
- Marina Abramović, Ispilua garbitzen 1. zkia (Cleaning the Mirror # 1)
- Erakusketa:
- Irudiak mugimenduan. Guggenheim museoetako bildumako gaur egungo argazkiak eta bideoak
- Gaiak:
- Giza gorputza | Heriotza | Artea eta denbora | Artea eta emozioa | Ibilbide artistikoa | Sorkuntza artistikoa
- Artelan motak:
- Argazkia | Bideoinstalazioa | Performance
- Aipatutako artistak:
- Abramović, Marina
1995eko bideo-instalazio zirraragarri honek Marina Abramović artista jugoslaviarra erakusten digu. Lohiez estalitako giza eskeleto bat du magalean, eta eskuila batekin garbitzen saiatzen ari da. Obraren izenburua Ispilua garbitzen 1. zkia da, eta gizakiak “azken ispilu” gisa defini genezakeen horrekin izandako elkartzea iradokitzen digu. Efektu hori areagotu egiten da instalazioaren egitura berak eraginda. Bost monitoreak elkarren gainean pilatuak agertzen dira, bakoitzak eskeletoaren zati desberdin bat erakutsiz: burua, toraxa, eskuak, aldakak eta oinak. Hala, gure begiak goitik behera mugitzen dira, geure buruak ispilu handi batean begira arituko bagina bezala.
Deskribatzen den ekintzak hiru ordu irauten du, eta denbora horretan, eskeletoaren hezur grisaska zikinek kolore zuri distiratsua hartzen dute pixkanaka. Garbitzearen errutinazko ekintza intimo horretan, Abramovićek heriotzak eragiten duen beldurrari aurre egiten ari zaiola dirudi, maneiatzen errazagoa den zerbait bihurtuz.
Hirurogeita hamarreko hamarkadan, bere ibilbidearen hasieratik Abramović artista aitzindaria izan da performancearen erabileran, arte bisuala den aldetik. Bere lehenengo performanceetan, bere gorputzarekin proba egin zuen jendaurrean bere erresistentziaren mugaraino iritsiz, eta sarritan oinazea, nekea eta egoera arriskutsuak jasanez. Performance horiek zuri-beltzeko argazki serie baten bidez eta testu deskribatzaileen bidez dokumentatu ziren. Hala ere, Ispilua garbitzen 1.zkia ez zen jendaurrean grabatu, eta performanceak elementu nagusi izaten jarraitzen duen arren, bideoak performance hau iraunaraztea ahalbidetu du, iraunkor bihurtuz.