Irudiak mugimenduan. Guggenheim museoetako bildumako gaur egungo argazkiak eta bideoak
Gabriel Orozco, Pilota uretan (Pelota en agua)
Andreas Gursky, Liburutegia (Bibliothek)
Iruzkinak
Rineke Dijkstra, Kolobrzeg, Polonia, 1992ko uztailaren 27a (Kolobrzeg, Poland, July 27, 1992)
- Izenburua:
- Rineke Dijkstra, Kolobrzeg, Polonia, 1992ko uztailaren 27a (Kolobrzeg, Poland, July 27, 1992)
- Erakusketa:
- Irudiak mugimenduan. Guggenheim museoetako bildumako gaur egungo argazkiak eta bideoak
- Gaiak:
- Gizakia | Giza gorputza | Artea eta identitatea | Artea eta emozioa | Sorkuntza artistikoa | Erretratua eta autorretratua
- Artelan motak:
- Argazkia
- Aipatutako artistak:
- Dijkstra, Rineke
Argazki hauek hondartzetan girotutako erretratuen serie batekoak dira, Rineke Dijkstra argazkilari holandarrak laurogeita hamarreko hamarkadan eginak. Nerabezaroan sartzeko zorian dauden haurrak erakusten dituzte, edo heldu bihurtzen ari diren nerabeak. Gazteak nazionalitate desberdinetakoak dira, itsasoari bizkar emanda daude beti, eta bakarka edo bi edo hiruko taldeetan agertzen dira. Bainu-jantziez jantzita daude besterik gabe, beren izaera definitzeko balio dezakeen osagarri bat ere gabe. Ia erabat biluztuta daudenez eta beren gorputzak aldatzen ari diren unean erakusten direnez, zaurgarriak dirudite.
Argazkietako gazteak talde gisa ikus ditzakegu, zenbait faktorek elkartzen baitituzte, adibidez ia erabateko biluztasunak, beren jarrera lotsatiak eta guztiak nerabezarotik helduarorako trantsizio-aldian egoteak. Seriearen uniformetasuna eten egiten da, ordea, gazte bakoitzaren nortasuna agerian uzten duen aurpegierarekin edo keinuarekin. Beraz, irudiek nolabait ere erretratu klasikoak eman arren, hondo soilen gainean aurrera begira kokatutako irudiekin, gazteak oharkabeko une batean ezustean harrapatu ditugulako sentsazioa sentitzen dugu. Gazteak bainu-jantziz erretratatzean, Dijkstrak jadanik zaila den adin batean sortutako segurtasunik eza nabarmentzen du. Irudiek grafikoki jasotzen dute nerabezaroko kezka, oraindik ere norbere identitatea ez ezagutzeak sorrarazten duen sentsazioa. Eta gazteak herrialde eta kultura desberdinetakoak izan arren, gaiaren unibertsaltasuna ikusita hunkitu egiten gara argazki hauen aurrean. Geure buruak ikusten ditugu gazte hauengan.