Irudiak mugimenduan. Guggenheim museoetako bildumako gaur egungo argazkiak eta bideoak
Andreas Gursky, Liburutegia (Bibliothek)
Nan Goldin, Greer eta Robert ohe gainean, New York (Greer and Robert on the bed, NYC)
Iruzkinak
Thomas Struth, Richter familia I, Kolonia (The Richter Family I, Köln)
- Izenburua:
- Thomas Struth, Richter familia I, Kolonia (The Richter Family I, Köln)
- Erakusketa:
- Irudiak mugimenduan. Guggenheim museoetako bildumako gaur egungo argazkiak eta bideoak
- Gaiak:
- Giza harremanak | Artea eta psikologia | Eragin artistikoa | Sorkuntza artistikoa | Erretratua eta autorretratua | Gerhard Richter
- Artelan motak:
- Argazkia
- Aipatutako artistak:
- Struth, Thomas
Thomas Struth argazkilari alemanaren obran eragin handia izan du bere irakaslea izandako Gerhard Richter artistak. Struthek 2002an egindako erretratu honek Richter eta bere familia erakusten digu Koloniako beren etxean.
Struthek oso genero anitzetan lan egin izan du. Izan ere, paisaien, hiriko eszenen, loreen, museoen barrualdeen eta kultuko lekuen argazki serieak egin ditu, erretratuez gain. Baina genero horietan guztietan xehetasunak jasotzeko eta nabarmentzeko duen gaitasuna erakusten digu, ugariegiak izanik giza ikusmenak bat-batean antzeman ahal izateko. Struthek 1982an ekin zion erretratuaren generoa aztertzeari. Urte hartan Ingo Hartmann psikoanalistarekin elkarlanean aritu zen jende ugariren familia-bizitzaren argazki enblematikoak bilduz, gaiari buruz ezagutzera eman zezaketena ikusteko.
Gaur egun bere familia-erretatuetan Struthek alderdi psikologikoak irudikatzea saihestu arren, harreman intimo horien tirabirak ezinbestean geratzen dira irudietan adieraziak. Richter familiaren erretratuan irudiak nahiera eserita daudela ematen badu ere, konposizioa arreta handiz planifikatua dago. Gizonezkoak imajinaren ezkerraldean daude oso antzeko jarreretan, eskuak luzatuta eta mahai gainean dituztela, eta emakumezkoak eskuinaldean daude. Beraz, espazioa bi zatitan bereizita dago, erdialdeko gortinen lerro bertikalak nabarmentzen duen efektua, alegia. Bi bikoteak kokatuta dauden moduak eraginda, gorputzen eta buruen lerroak V bat eratzen du, eta atzean dagoen lore-ontziko lirioek osatzen dutena gogora ekartzen digu. Koloreen gama oso mugatua da: beltza, grisa, urdina, krema eta marroia. Gizonaren eta mutilaren irudietan urdina da nagusi eta emakume eta neskarenean grisa. Erretratua egin zaien lau pertsonak kanpoaldera begira daude, argazkitik kanpo alegia, begirada sarkor eta harrigarri batez.
Imajina hau oso argia eta zehatza da, xehetasun guztiak fokatuak daudelarik, eta azterketa luzea eta sakona egitera gonbidatzen gaitu.