David Hockney: ikuspegi zabalago bat
Uda, bete-betean: East Yorkshire (Midsummer: East Yorkshire), 2004
Lauki-sare edo saretaren erabilerari buruz
Iruzkinak
Neguko tunela hurbiletik, otsaila–martxoa (A Closer Winter Tunnel, February–March), 2006
- Izenburua:
- Neguko tunela hurbiletik, otsaila–martxoa (A Closer Winter Tunnel, February–March), 2006
- Erakusketa:
- David Hockney: ikuspegi zabalago bat
- Gaiak:
- Artea eta denbora | Sorkuntza artistikoa | Paisaia | Ingurunea eta natura | Britainia Handia
- Artelan motak:
- Pintura
- Aipatutako artistak:
- Hockney, David
Pintura-sorta honetako irudia askotan erakarri izan du Hockney. Zuhaitz arteko bidexka bat da; Hockneyk Tunela esaten dio, aurreneko aldiz udan ikusi baitzuen: hostoz betetako zuhaitzen adar luzeek elkarlotzen ziren, eta pasabide berde eta jori bat eratzen zuten.
Aire zabalean lan egiteak Hockneyk natura ondo baino hobeto ulertzea ekarri du. Izan ere, ondo ezagutzen ditu urtaro bakoitzaren, egunaren ordun jakinen eta eguraldi-aldaketa anitzen ezaugarriak. Hala, ezagutza horrek aukera ederrak eskaintzen dizkio pintoreari naturaren ernaberritze eta edertasun amaigabea irudikatzeko.
Hemen, pintura-sail batean jaso du ikuspegi aldakor hori, ikusleak ere berarekin batera nolabait bizi dezan. Erdiko bidexkak areagotu egiten du paisaia aldakor horretan murgilduta gauden sentsazio hori: tunelaren espazio inguratzaile horretan barrena sartzera gonbidatzen ari zaigula ematen du.
Sail honetako lehena Neguko tunela hurbiletik da, 2006ko otsaila eta martxoa bitartean margotua. Kaliforniako eguzki argitan bizi eta gero, Hockneyri erronka erakargarria iruditu zitzaion Britainia Handiko negua iruditan jasotzea. Neguan, zuhaitz adarrak ageri-agerian geratzen dira, hostorik gabe, eta lurzoruaren eta landareen koloreak indar handiagoz ageri dira argi leunagoa dela eta. Nolanahi ere, horretan hasi eta konturatu zen bertako udaldia naro-naro jasotzeak ere atsegin handia emango ziola.
Neguko tunela hurbiletik sei mihisek osatzen dute eta kanpoaldean margotu zuen Hockneyk, sarritan eguraldiak batere lagundu ez bazion ere.