David Hockney: ikuspegi zabalago bat
Woldgate basoak, 2006ko azaroaren 21a, 23a eta 29a (Woldgate Woods, 21, 23 and 29 November 2006)
Neguko enbor-mozketa (Winter Timber), 2009
Iruzkinak
Elorri zuri handia (The Big Hawthorn), 2008
- Izenburua:
- Elorri zuri handia (The Big Hawthorn), 2008
- Erakusketa:
- David Hockney: ikuspegi zabalago bat
- Gaiak:
- Artea eta denbora | Sorkuntza artistikoa | Kolorea | Lan-prozesua | Tamaina | Paisaia | Ingurunea eta natura
- Artelan motak:
- Pintura
- Aipatutako artistak:
- Hockney, David
Elorri zuriaren usain goxoa, loratzen ari denean, udaberria datorrela iragartzen du Ingalaterrako landan. Hockney-k loratze-aldi hori oso kontuan hartzen du bere egutegian. Maiatzaren bukaeran edota ekainaren hasieran loratzen da elorri zuria han, eta sasoi horri “jardun-astea” esaten dio Hockneyk. Urtero, irrika handiz egoten da loraldia margotzeko zain, liluragarria iruditzen baitzaio, eta horrexegatik ez du bidaiatzen sasoi horretan. Landareak hazten ari direneko aurreneko seinaleek bizitasun handia ekartzen digute. Egunero, eguna argitu bezain pronto jaikitzen da artista bide-bazterretan gauean loratutakoa margotzeko. Badaki erlojuaren kontra ari dela lanean, loreak hauskorrak direnean, euri-zaparrada handi batek berehala suntsi baititzake. Horretaz jabetzean sortzen zaio artistari lore horiek unerik ederrean irudikatzeko premia.
Eta lortu egiten du: bizitzaren eta ernaberritzearen goratze zoragarria dira lan hauek. Elorri zuri handia lanean, karratu itxurako zuhaixka-masa handia bederatzi mihiseren sareta baten erdian pintatu zuen, eta irudi monumental bat eratu. Adarrak bizitzaz josita daude, eta indar handiko paletak, berdeek, urdinek eta horiek, udaberriaren oparoaldia aditzera ematen dute.
Hockney naturarekin uztartu da zeharo; elorri zuriak noiz loratuko diren iragar dezake, eta, beraz, aurrez prest egon. 2008an, sail hau lantzen ari zela, arbasoak bertako lurrak lantzetik bizi izan zirela jabetu zen Hockney, paisaia horretan bertan, alegia. Hortaz, esan daiteke euren pausoei jarraitzen ari zaiela, eta bere lana urtaroen zikloaren inguruan garatzen doala, bere aurreko belaunaldikoen antzera.