David Hockney: ikuspegi zabalago bat
Neguko enbor-mozketa (Winter Timber), 2009
Hockney eta iPad-a
Iruzkinak
Udaberria heldu da, Woldgate, East Yorkshire, 2011 (The Arrival of Spring in Woldgate, East Yorkshire in 2011)
- Izenburua:
- Udaberria heldu da, Woldgate, East Yorkshire, 2011 (The Arrival of Spring in Woldgate, East Yorkshire in 2011)
- Erakusketa:
- David Hockney: ikuspegi zabalago bat
- Gaiak:
- Artea eta denbora | Artea eta teknologia | Eragin artistikoa | Sorkuntza artistikoa | Argia | Kolorea | Lan-prozesua | Tamaina | Eszenografia | Paisaia | Ingurunea eta natura
- Teknikak:
- Marrazkia | Olio-pintura
- Artelan motak:
- Inprimaketa | Instalazioa
- Aipatutako artistak:
- Hockney, David
Olio-pintura erraldoi hau, hogeita hamabi mihisek osatutakoa, eta inprimatutako markodun 51 marrazki, areto honetan daudenak, lan bera dira; Hockney-k dioen bezala, instalazio beraren parte dira: Udaberria heldu da, Woldgate, East Yorkshire, 2011. Lan honek negutik hasi eta udaberria amaitzen den arte egunetik egunera izaten diren bidexka baten aldaketak jasotzen ditu. Erakusketa honetan aurkeztutako Hockneyren lanetako askoetan bezala, erdi-erdian ageri den bide honek barrurantz gidatzen gaitu, naturan murgiltzera gonbidatzen gaitu.
Hockneyk marrazki txiki hauek egin zituen lehenik, iPad gailuaz; tresna hori trebezia handiz erabiltzen duela erakusten digute. Hockneyk betidanik izan du jakin-min handia baliabide berriak eta teknologia berriak erabiltzeko. iPad gailuari esker, natura behatzeak eragiten dizkion sentsazioak bizkor-bizkor jaso ahal izaten ditu, akuarela bidez baino bizkorrago. Eta oso baliagarria da aire zabalean lan egiteko, eguraldia aldakorra izan ohi baita. iPad bidez, Hockneyk unean-unean jaso ditzake argia eta kolorea. “Brushes” izeneko aplikazioa erabiltzen du; horrek oso efektu berezia sortzen du, beste baliabide batzuen aldean. Eta, hala eta guztiz ere, Hockneyren pinturen bereizgarritasuna ez da galtzen. Oso tresna berria erabili du, iPad gailua alegia, artearen alorrean betidanik nagusitu izan den gai bati heltzeko: natura agertzen zaigun modu desberdinak.
Udaberria heldu da lanaren azken osagaia da eskala handiko koadro hau. Olio-pinturaz berriro baliatu arren, nabaria da iPad bidez egindako zirriborroen arrastoa. Konposizioaren eta estiloaren aldetik, oso lan ausarta da hau; izan ere, zuhaitzen eta hostoen formak kolore-eremu lau hutsak dira. Marrazkiekin batera, lan honek nahita erakusten du teatraltasun kutsua, eta Hockneyk urte askotan opera eszenatokietarako egin izan zituen diseinuak nolabait gogora ekartzen ditu. Gu, ikusleok, erdi-erdian kokatzen gaitu, udaberria heltzen ari dela kontatzen digun antzezlan honetan.