David Hockney: ikuspegi zabalago bat
Hiru zuhaitz Thixendale-tik gertu, 2008ko udaberria (Three Trees near Thixendale, Spring 2008)
Elorri zuri handia (The Big Hawthorn), 2008
Iruzkinak
Woldgate basoak, 2006ko azaroaren 21a, 23a eta 29a (Woldgate Woods, 21, 23 and 29 November 2006)
- Izenburua:
- Woldgate basoak, 2006ko azaroaren 21a, 23a eta 29a (Woldgate Woods, 21, 23 and 29 November 2006)
- Erakusketa:
- David Hockney: ikuspegi zabalago bat
- Gaiak:
- Artea eta denbora | Sorkuntza artistikoa | Argia | Lan-prozesua | Paisaia | Ingurunea eta natura
- Artelan motak:
- Pintura
- Aipatutako artistak:
- Hockney, David
Lan hau, Woldgate basoak, 2006ko azaroaren 21a, 23a eta 29a, sail baten parte da, 2006ko maiatzaren eta abenduaren artean sortutako batena. Sail horretako lan guztiak sei mihiseren gainean margotu zituen, eta guztietan jasotzen zuen eszena bera, ikuspuntu beretik gainera: basoko hiru bidexken elkargunea; zuhaitzek soilgune txiki bat eratzen dute txoko horretan eta argia adar artetik heltzen da. Zuhaitzak hain dira lerdenak eta garaiak, non adarrak mihisetik ateratzen diren.
Hockney leku berera joaten zen egunero; astoa posizio berean kokatzen zuen beti eta egun batetik bestera sortzen ziren argi-efektuak jasotzen zituen. Ingalaterran lanean ari zela ohartu zen Hockney argia sotilki aldatzen dela egun batetik bestera; urtaroen arteko aldaketak, ostera, oso bortitzak dira. Aldaketa horietan arreta jartzen laguntzen du koadroak sailka, bata bestearen ondoren, margotzeak. Artistak dioenez, ingurugiroan arreta handia jartzea oso esker onekoa da, gauza eder askorekin saritzen baitzaitu, bere hitzetan: “Ez du zertan Woldgate basoa izan, zure lorategia bera ere aldatzen baitoa”.
Hockneyk, marrazteko trebezia handiari esker, bizkor-bizkor margotzen ditu mihiseak, eta berehalakotasun kutsu nabaria ematen die horrek. Taldeka erakusteak bizitasun handiko esperientzia sorrarazten du: ikusleak artista gara, artista egondako lekura eta unera eramaten baikaituzte. Argazkien gainazal lauek ez bezala, margolanek sakontasuna iradokitzen digute. Hiru bideek ibilbide bat baino gehiago eskaintzen digute basoan barrena: zuhaitz garaiek inguratzen gaituzte, jaitsi egiten dugu begirada aurrena aukera batera eta gero bestera. Horrela jabetzen gara zein baliagarri izan zitzaion artistari leku berera behin eta berriro itzultzea, ondo baino hobeto ezagutu zuen arte.