David Hockney: ikuspegi zabalago bat
Bideoak
Arroila Handia hurbiletik (A Closer Grand Canyon), 1998
Iruzkinak
Pearblossom autobidea, 1986ko apirilaren 11–18 1. zk. (Pearblossom Highway, 11−18 April 1986 #1)
- Izenburua:
- Pearblossom autobidea, 1986ko apirilaren 11–18 1. zk. (Pearblossom Highway, 11−18 April 1986 #1)
- Erakusketa:
- David Hockney: ikuspegi zabalago bat
- Gaiak:
- Artea eta denbora | Sorkuntza artistikoa | Lan-prozesua | Mugimendua | Perspektiba | Paisaia
- Teknikak:
- Collage
- Artelan motak:
- Argazkia
- Aipatutako artistak:
- Hockney, David
1986ko lan hau Yorkshireko paisaiak baino lehenago egin zuen, baina eskualde hori margotzeari heldu zionean Hockney-k hain gustuko izandako gaiak ikus daitezke: mugimendua, denboraren joana, ikuspuntu anitz eta ikuslea paisaian sarraraztea.
Lan hau ikustean errepideko bidaia bat datorkigu burura. Los Angelesko iparraldeko basamortua zeharkatzen duen autobidearen tarte bat jasotzen du. Argazki-collagea aukeratu zuen Hockneyk lan hau sortzeko: argazki txiki ugariz osatutako mosaiko antzeko bat da. Argazkiak elkarren segidan eta perspektiba askotatik atera zituen, eta ondoren bata bestearen ondoan itsatsi imajina bakar bat osatzeko. Lehen begiratuan ohiko ikuspuntu bat eskaintzen digula ematen du: paisaia bat, zerumugarantz luzatzen doan errepide bat aurrean dugula. Dena den, collageak eta haren ikuspegi anitzek harat-honat begiratzera bultzatzen gaituzte: espazio horren barruan sartuta gaudela eta mugi gaitezkeela irudituko zaigu; kanpoan, leku jakin batetik paisaia horri begira ari garela baino.
Errepideko bidaiaren irudipenak mugimendua ere iradokitzen digu: basamortuan zehar artistarekin batera autoan goazela, nolabait. Collagearen eskuinaldean bide-seinaleak nabarmentzen dira; ezkerraldean, berriz, paisaia miatzeko aukera eskaintzen zaigu: zeru urdin zabalerantz, edo azken helmugarantz doan bideari jarraitu, edota bide bazterreko hondakinetan edo sasietan arreta jarri. Argazkiek denboran geldiarazitako unea erakusten dute, eta irudi anitzez osatutako collage honek, ordea, tarte bateko behaketa iradokitzen digu, argazki guztiak ez baitziren une berean egin; izan ere, ideia hori sendotzen du tituluan denbora-tarte bat agertzeak: Pearblossom autobidea, 1986ko apirilaren 11–18 [irakurri mesedez “apirilaren hamaikatik hamazortzira”]. Mugimenduaren, denboraren joanaren, ikuspuntu anitzen, eta ikuslea paisaian sarraraztearen gai hauek Hockneyk bere azkenaldiko lanetan ere garatu ditu, harago eraman baditu ere.