David Hockney: ikuspegi zabalago bat
Mezu zabalago bat (A bigger Message), 2010
Iruzkinak
Yosemite I, 2011ko urriaren 16a (Yosemite I, October 16th 2011)
- Izenburua:
- Yosemite I, 2011ko urriaren 16a (Yosemite I, October 16th 2011)
- Erakusketa:
- David Hockney: ikuspegi zabalago bat
- Gaiak:
- Artea eta espazioa | Artea eta teknologia | Esperimentazio artistikoa | Sorkuntza artistikoa | Kolorea | Tamaina | Paisaia | Ingurunea eta natura | AEB
- Teknikak:
- Marrazkia | Olio-pintura
- Artelan motak:
- Inprimaketa
- Aipatutako artistak:
- Hockney, David
iPad bidez egindako marrazki hau, antzeko beste hiru kopiarekin batera erakusgai, Hockney-ren azken-azkenetako lana da, 2011ko urrikoa, alegia.
Kopia hauek Estatu Batuetako paisaia ikusgarrienetako bat erakusten digute: Kaliforniako Yosemite harana. Yorkshireko Wolds eskualdeko paisaia leunagoan zeharo murgilduta ibili eta gero, artearen alorrean sublimea arakatzeko prest ikusi zuen Hockneyk bere burua. Lan honek, pinu zut-zuten eta lainoek lausotutako labar urdinen ikuspegiak, txundidura eragiten digu.
iPad bidez egindako marrazki inprimatu hauek lotura estua dute areto honetan bertan ikusgai dagoen beste lan handiarekin, Mezu zabalago bat izeneko olio-pintura ikaragarriarekin, alegia. Beste lan horretan, espazioa eta sakontasuna adierazteko moduak landu ditu Hockneyk. Hemen ere, marrazkiek parke nazionalaren espazio eta eskala itzelak jasotzen dituzte; doitasun handiz gertutik marraztutako landaredia, eta urrutiko labar urdin hits lausoak. Hockneyrentzat aparteko tresna da iPad-a efektu sotil hauek sortzeko. “Brushes” aplikazioak aukera ematen dio kolore birtualen lau geruzara arte bata bestearen gainean aplikatzeko; gainera, kolorea moldatu eta efektua opakoagoa edo gardenagoa izatea lor dezake.
Horrez gain, Hockney teknika egokitzeko gai da, inprimatutako irudien tamaina handiagotua lortzeko. Marrazki hauetako bakoitza sei paper-orritan inprimatua dago, orain arte iPad bidez egindako lanetatik handienak dira. Teknika berriak etengabe arakatzen dabilen artista baten azken urratsak dira, eta pentsarazten digu: “Eta ondoren zer?”.