Paris: arteen hiriburua, 1900-1968
Hirurogeiko hamarkada: aztoramen politikoa, Auzo Latinoa eta 68ko Maiatza
Kubismoa eta mundu modernoa
Atalak
Montmartre
- Izenburua:
- Montmartre
- Erakusketa:
- Paris: arteen hiriburua, 1900-1968
- Gaiak:
- Sorkuntza artistikoa | Erretratua eta autorretratua | Kabareta | Paris | Montmartre
- Mugimendu artistikoak:
- Kubismoa
- Artelan motak:
- Pintura
- Aipatutako artistak:
- Derain, André | Laurencin, Marie | Picasso, Pablo | Utrillo, Maurice
XIX. mendearen erdialdera, Parisko iparraldean dagoen Montmartreko muinoa bizimodu bohemioaren gune bihurtu zen. 1900ean, Montmartreko auzoak fama zabaldua zuen zegoeneko bertan zeuden kabaretak eta gaueko klubak zirela eta. Moulin-Rouge dugu adibide bat, 1890eko hamarkadan Toulouse-Lautrec-ek hain ondo irudikatu zuena. Derain artista fauvistak kolore biziak eta estilo ausarta erabiliz margotzen zuen Le Rat Mort kabareteko dantzari bat, Picasso gazteak Divan Japonais-en gauza bera egiten zuen bitartean. Sarritan postaletan oinarrituta, Utrillo-k margotu zituen Montmartreko ikuspegiek gerora zabalduko zen auzoaren irudi erromantikoa sortzen lagundu zuten.
Bateau-Lavoir, artisten estudio ugari ezartzeko erabili zen piano-fabrika zahar bat zen. Bertan margotu zuen Picassok 1907an Avignongo andereñoak (Les Demoiselles d’Avignon), kubismoari bide emanez arte modernoaren une gogoangarria markatu zuen pintura. Areto honetan pintura horretarako egin zituen bi estudio agertzen dira. Picassoren talentuak adimen handiko artistak eta idazleak erakarri zituen. Izan ere, “bande à Picasso” izena eman zitzaien eta areto honetan Marie Laurencin-en talde-erretratuan ikusi ahal izango dituzu artista eta idazle haiek.