Paris: arteen hiriburua, 1900-1968
Abangoardia eta abstrakzioa
Atalak
Montparnasse: goi-mailako gizartea eta abangoardiako artea jazzaren garaian
- Izenburua:
- Montparnasse: goi-mailako gizartea eta abangoardiako artea jazzaren garaian
- Erakusketa:
- Paris: arteen hiriburua, 1900-1968
- Gaiak:
- Giza harremanak | Artea eta gizartea | Eragin artistikoa | Erretratua eta autorretratua | Herri-kultura | Paris | Montparnasse | Jazz | Josephine Baker | Tradizioa
- Mugimendu artistikoak:
- Abangoardia | Errealismoa | Kubismoa
- Aipatutako artistak:
- Brancusi, Constantin | de Lempicka, Tamara | Picasso, Pablo
1920ko eta 30eko hamarkadetan, abangoardiaren gunea izan zen Paris. Hogeiko hamarkadan Montparnassera aldatu zen lehen Montmartren izandako Parisko jarduera artistikoa. Munduko bazter guztietatik etorritako artistek Senaren rive gaucheko auzo honetan ezarri zituzten beren estudioak. Joan ohi ziren kafetegietako batzuk, esate baterako La Coupole, Le Dôme eta La Rotonde, artista eta idazle askoren topalekua izan ziren. Beau monden eta bohemia artistikoan integratu ziren gizarte elitistaren eta kosmopolitaren kideen artean amerikarrak nabarmendu ziren.
Garai hartan modan egon ziren jende dotorearen erretratuak. Picasso-k emazteari egindako erretratua, Olga Koklova dantzari errusiarrari alegia, hogeiko hamarkadan hark eta beste artista batzuek berenganatu zuten estilo klasikoaren erakusgarrietako bat dugu, “ordenera bueltatzeko ohartarazpena” (rappel à l’ordre) deitu zitzaion gertaera izanik. Abangoardiaren artista bohemioek goi-mailako gizartearekin harremanak zituzten. Constantin Brancusi eskultorea adiskide ospetsuz inguratuta ibili ohi zen nekazari errumaniarren traje tipikoaz jantzita. Tamara de Lempicka poloniarrak de la Salle Dukesari amazonaz jantzita egin zion erretratua errealismoaren, modernismoaren eta gerraosteko kubismoaren konbinazio dotorea da. Modernismoaren bereizgarri izan ziren erritmo sinkopatuak eta forma geometriko definituak boladan zeuden jazzaren eta kultura beltzaren (négrisme) eraginaren isla dira, Josephine Baker abeslari eta dantzariaren irudian hezurmamituta.