Paris: arteen hiriburua, 1900-1968
Parisko Eskola: estudioko biluzia
Saint-Germain-des-Prés eta alemanen okupazioa
Atalak
Fautrier eta Soutine
- Izenburua:
- Fautrier eta Soutine
- Erakusketa:
- Paris: arteen hiriburua, 1900-1968
- Gaiak:
- Gizakia | Artea eta emozioa | Eragin artistikoa | Sorkuntza artistikoa | Gainazala | Testura | Biluzia | Natura hila | Parisko Eskola | Paris | Montparnasse | Sentimenduak
- Artelan motak:
- Pintura
- Aipatutako artistak:
- Fautrier, Jean | Modigliani, Amedeo | Soutine, Chaïm
Sail hau Jean Fautrier eta Chaïm Soutine artisten obrari eskaini zaio. Jean Fautrierrek Londresko Royal Academy eta Slade School-en ikasi zuen, I. Mundu Gerran soldadu izan ondoren Parisera itzuli aurretik. Gaien kopuru mugatu baten barruan —adibidez emakumezkoen biluzia eta hildako animaliak— Fautrierrek giza esperientziaren alde ilunena arakatu zuen. 1920ko hamarkadaren bukaeran, Fautrierrek biluzi batzuk margotu zituen hondo ilunekin eta hilobi-erretratu koptoak ematen duten argizari-koloreko aurpegi hunkigarriekin. Irudiek bizitzaren eta heriotzaren artean zalantza egiten dutela ematen du, eta baliteke Fautrierrek Dante-ren infernuaren aurrean erakutsitako interesa islatzea, artista garai hartan irudiez hornitzen aritu zen obra izanik. Marcel Zahar arte-kritikariak honela definitu zuen Jean Fautrier: “gure garaiko pintore tragikoena”.
Hogeiko hamarkadako Chaïm Soutine pintore lituaniarraren natura hiletan antzeko adierazpen tragikoa antzematen da. Parisko Eskolako kide izandako artista hau Montparnassen bizi izan zen eta Amedeo Modigliani pintore italiarraren lagun ona zen. Soutine pobrezian bizi izan zen Albert Barnes bildumagile amerikarrak 1922an obra batzuk erosi zizkion arte. Ordutik aldatu zen bere egoera. Enpastatutako pintura-masa trinkoei esker, Soutineren animalia hilek giza intimitatearen sentimendu tragikoak aditzera emateko ahalmena dute. Fautrierren untxiak lepotik zintzilik daude buruz behera egon beharrean, natura hil tradizionaletan ohikoa denez, ia gizatiarra den nolabaiteko sakrifizioa iradokiz.