Paris: arteen hiriburua, 1900-1968
Paris: arteen hiriburua, 1900-1968
Arte geometrikoa, optikoa eta zinetikoa
Atalak
Espiritualtasuna eta materia
- Izenburua:
- Espiritualtasuna eta materia
- Erakusketa:
- Paris: arteen hiriburua, 1900-1968
- Gaiak:
- Sorkuntza artistikoa | Gainazala | Kolorea | Materiala | Materialtasuna | Espiritualtasuna | Bigarren Mundu Gerra | Frantzia
- Mugimendu artistikoak:
- Arte Abstraktua | Existentzialismoa
- Artelan motak:
- Eskultura | Pintura
- Aipatutako artistak:
- Francis, Sam | Hantaï, Simon | Kelly, Ellsworth | Klein, Yves | Richier, Germaine | Soulages, Pierre
Gerraren ondoren Frantziako artista moderno askok Eliza katolikoaren eskariz obrak sortu bazituzten ere, haietako batzuk hain mugatuak ez ziren obra espiritualak sortzen saiatu ziren. Germaine Richier-en konposizio etereoak eta gerra osteko aldiaren hasieran etsipen prosaikoa antzematen zitzaien eskultura existentzialistak oso bestelakoak ziren. David Sylvester arte kritikariak hauxe idatzi zuen: “Richierrek materia deseginarazi egiten du elkartuagoa egon dadin”.
Yves Klein-en obretan hedadura mistikoa antzematen da, aireko begiradetan nahiz Italiako antzinako itsas pinturak gogora ekartzen dizkiguten irudi urdinetan eta urre koloreko hondoetan. Simon Hantaï hungariarraren mihisea, pigmentuz bustita, tolestuta eta zabalduta, Ama Birjinaren mantua (Manteau de la Vierge) seriekoa da, zuri koloreko leherketa urratuak dituzten pintura urdinen taldekoa, alegia. Bere aldetik, Sam Francis artista iparramerikarraren obren nolakotasun likidoak eta gardenak mundu erreala baino gehiago den zerbait iradokitzen digu, edota abstrakzio formalista soila baino gehiago den zerbait.
Pierre Soulages-en belus itxurako pintura beltza trinkoa eta aberatsa da, eta trazuetan artistaren pintzelkada ahalmentsua antzeman daiteke. Beste iparramerikar baten obrak, alegia Ellsworth Kelly-ren Karratu beltza (Black Square) koadroak objektu fisiko gisa (izan ere, egur zati batetik egina dago) lantzen ditu forma, kolorea eta monokromatismoa, baina horrez gain gaueko iluntasunera begira ari den kafetegi bateko leihoko beiraren leuntasuna gogora ekartzen digu.