Paris: arteen hiriburua, 1900-1968
Gerra eta ondorioak. Arte informala
Hirurogeiko hamarkada: aztoramen politikoa, Auzo Latinoa eta 68ko Maiatza
Atalak
Surrealismoa eta Cobra taldea
- Izenburua:
- Surrealismoa eta Cobra taldea
- Erakusketa:
- Paris: arteen hiriburua, 1900-1968
- Gaiak:
- Artea eta umorea | Eragin artistikoa | Sorkuntza artistikoa | Erakusketak | Cobra taldea | Herri-kultura | Paris | André Breton | Sorginkeria
- Mugimendu artistikoak:
- Espresionismoa | Surrealismoa
- Aipatutako artistak:
- Alechinsky, Pierre | Appel, Karel | Brauner, Victor | Duchamp, Marcel | Hérold, Jacques | Jorn, Asger | Lam, Wifredo | Matta, Roberto
Surrealismoa 1947an iritsi zen berriro Parisera Surrealismoaren Nazioarteko Erakusketarekin. Magia beltzaren eta alkimiaren gaiak —André Breton aitzindari surrealistak erakusketa hartan landuak— berriro agertu ziren Victor Brauner-en eta Jacques Hérold-en obretan, eta budua iradokiz Wifredo Lam kubatarrak sortutako pinturetan. New Yorken, Marcel Duchamp-ek Parisko erakusketa hartarako katalogoaren azala diseinatu zuen. Bertan, belusa beltz baten gainean jarritako gezurrezko bular bat agertzen zen, “Prière de toucher” (”Ukitu, mesedez”) errotuluarekin. Bere aldetik, Matta artista txiletarraren mihiseetako espazio kosmikoetan intsektu itxura duten robot kezkagarri batzuk agertzen dira.
Cobra taldea 1948ko abenduan sortu zen Parisen. Taldearen izena bertako kideak jaio ziren herrialdeetako hiriburuen inizialetatik hartu zuten (Kopenhague, Brusela, Amsterdam). Taldea sortu zuten kideen artean zeuden Asger Jorn karisma handiko artista daniarra, Pierre Alechinsky belgikarra eta Karel Appel holandarra. Cobra taldeko kideek garai hartako surrealistak eta Parisko Eskolakoak baino iraultzaileagoak izan nahi zuten. Artista haien estilo espresionista Van Gogh-en, Munch-en eta Ensor-en obretan inspiratuta zegoen, baita haurren artean eta arte herrikoian, eta Belgikako inauterietako mozorroetan eta antzinako erruna bikingoetan ere.