Hermann eta Margrit Rupf Bilduma
Fernand Léger: artelan-multzoa
Donald Judd, Titulurik gabea, 85–065 zk (1985)
Iruzkinak
Juan Gris: artelan-multzoa
- Izenburua:
- Juan Gris: artelan-multzoa
- Erakusketa:
- Hermann eta Margrit Rupf Bilduma
- Gaiak:
- Artea eta pertzepzioa | Bildumagintza | Ibilbide artistikoa | Esperimentazio artistikoa | Bolumena | Erritmoa | Forma | Kolorea | Materiala | Natura hila | Daniel-Henry Kahnweiler | Hermann Rupf | Margrit Rupf
- Mugimendu artistikoak:
- Kubismo Sintetikoa | Kubismoa
- Artelan motak:
- Pintura
- Aipatutako artistak:
- Gris, Juan
Bere ikasketak amaitu ondoren, Juan Gris prentsako ilustratzaile-lanetan aritu zen, eta 1910ean hasi zen pintatzen. Apur bat geroago, esplorazioak egin zituen kubismoaren barruan. 1913an, Kanhweiler-en galerian hasi zen. Une horretatik aurrera, Rupfdarrek 20 mihise baino gehiago erosi zizkioten.
Juan Grisen izena kubismoari lotuta agertzen da beti. Alabaina, bere nortasunak mugimenduaren mugak gainditu zituen, eta lengoaia plastiko oso berezi eta ezaguterraza sortu zuen.
Kubismo sintetikoko artelanetan bezala, Grisek natura hiletan objektu bakoitza modu sinplean irudikatu zuen, baita ikuspegi jakin batetik ere. Barrualdeko espazioak lautu egin zituen mihisearen bi dimentsioko gainazalarekin bat etortzeko. Horrez gain, objektuek hainbat alderdi ere ikus ditzakegu aldi berean.
Esperimentaziorako, kubistek askotariko materialak baliatu zituzten haien mihiseetan. Horren adibide, erakusketan Grisen mihise bat ikus dezakegu: Banyuls botila, 1914koa. Bertan, artistak askotariko materialak erabili zituen.
Grisek, gainera, ez zien uko egin kurba-formei, ezta bolumenen ohiko irudikapenei ere. Askotariko objektuetan ikus daiteke: lorontziek, hostoek eta botilek kurba segida bat sortzen dute, eta artelanaren barruan erritmo sorta batzuk sortzen dituzte.
Erritmo horiek kromatikoak ere badira. Horiek lortzeko, Grisek ez zizkien objektuei kolore errealistak esleitzen. Aldiz, gama jakin bateko sinfonia kromatiko bat sortu zuen, eta hura objektu bakoitzaren lerro eta gainazaletan errepikatu zuen.