Yayoi Kusama: 1945tik gaurdaino
Sarrera
Erretratua, 2015
Iruzkinak
Autorretratua, 1950
- Izenburua:
- Autorretratua, 1950
- Erakusketa:
- Yayoi Kusama: 1945tik gaurdaino
- Gaiak:
- Gizakia | Emakumea artean | Artistak | Eragin artistikoa | Ibilbide artistikoa | Sinbologia | Erretratua eta autorretratua | Ingurunea eta natura | Teknika eta materialak
- Mugimendu artistikoak:
- Arte Garaikidea
- Teknikak:
- Olio-pintura
- Artelan motak:
- Pintura (olio-pintura)
- Aipatutako artistak:
- Kusama, Yayoi
Areto hau Kusamak bere bizitzan zehar margotu dituen autorretratuei eskainita dago.
Kusama 1950eko hamarkadan hasi zen autorretratuak margotzen, eta gaur egun arte jarraitu du egiten: azkenekoak 2020koak dira. Jarraian, haren autorretratu garrantzitsuenetako batzuk aztertuko ditugu; esate baterako, aurrez aurre duzuna, 1950ean margotua. Hemen ikusgai dagoen berrienarekin alderatuz gero, agerian geratzen da Kusamaren pintura aldakorra eta anitza dela. Honako koadro hau Kusamaren lehen autorretratuetako bat da; 21 urte zituenean sortu zuen teknika surrealista bat erabilia: emakume-ezpain zimurtuen gainean tonu iluneko ekilore itxurako aurpegi bat ageri da, zeinak gizateriaren eta kosmosaren arteko batasuna sinbolizatzen baitu. Lorearen erdigunea inguratzen duten lerro gorri bizien azpian ezkutaturik, infinitu-sareen motiboaren lehen adibideetako bat ikus daiteke. Motibo hori, hain zuzen ere, artistaren ezaugarri bereizgarrietako bat bihurtu da azkenean.
Berrogeita hamarreko hamarkadako margolanetan, landareak energia psikologikoz beteta daude. Artistak lotura handia sentitzen du naturarekiko, eta hauxe idatzi zuen autorretratu honetan: “Ez dago objektu interesgarriagorik. Era guztietako formaz eta kolorez beteta daude. Zeinen aberatsa eta mugagabea den naturaren hornidura!”.