Yayoi Kusama: 1945tik gaurdaino
Transmigrazioa, 2011
Titulurik gabea (Aulkia), 1963
Iruzkinak
Letra-metaketa, 1961
- Izenburua:
- Letra-metaketa, 1961
- Erakusketa:
- Yayoi Kusama: 1945tik gaurdaino
- Gaiak:
- Artistak | Ibilbide artistikoa | Sorkuntza artistikoa | Forma | Kolorea | Lan-prozesua | Tamaina | Erakusketak | AEB | Washington | Hitzak | Hizkuntza
- Mugimendu artistikoak:
- Arte Garaikidea
- Teknikak:
- Collage
- Artelan motak:
- Pintura
- Aipatutako artistak:
- Kusama, Yayoi
Metaketa izeneko saila 1960ko hamarkadan egindako sorkuntzaz osatuta dago, denak ere lan handikoak: betegarridun ehunka konkor faliko, eskuz josiak eta margotuak, etxeko altzarien gainean jarrita. Pieza horiek prestatzen ari zela, artista 50 orduko lan-saioak egitera iritsi zen, eta horrek maiz izan zuen ondoriorik haren osasun-egoeran.
Collage hau Kusamaren izena jasotzen duten txartelen ebakinez eginda dago, eta txartelok 1960ko azaroan Washington DCko Gres Galleryn egin zuen bakarkako erakusketa batetik atera zituen artistak. Izena behin eta berriz errepikatzean, patroiak eratzen dira eta letrek eurek indarra galtzen dute, guztiz agerikoa dena erabat abstraktu bihurtzeraino. Obra honek Kusamak hurrengo sei hamarkadetan jorratu dituen gai nagusiak aurreratu zituen: disoluzioa eta metaketa, auto-obliterazioa, eta nia objektuaren bidez islatzeko interesa. Funtsezko ezaugarri horiek definitzen dute Kusamaren lana, eta guztiak ere formatu biziki zehatz batean elkartzen dira.
1950eko hamarkadaren hasieratik, sormena eta konpultsioa dira Kusamaren lanaren ezaugarri nagusiak, neurri berean biak. Gazte-gaztetatik, artistak nahasmendu bati aurre egin behar izan zion: patroi berberaz estalita ikusten omen zituen sabaia, leihoak eta hormak eta gela osoa, bere gorputza eta baita unibertsoa ere. Kusamaren obra pop-mugimenduarekin, minimalismoarekin eta performancearekin lotu izan badute ere, oso pertsonala da haren artegintza. Ildo horretan, hauxe adierazi izan du artistak: “Arte psikosomatikoak zera esan nahi du, obsesioa terapia artistikoaren bidez adierazten ikastea”.