Yayoi Kusama: 1945tik gaurdaino
Letra-metaketa, 1961
Birsorkuntzaren unea, 2004
Iruzkinak
Titulurik gabea (Aulkia), 1963
- Izenburua:
- Titulurik gabea (Aulkia), 1963
- Erakusketa:
- Yayoi Kusama: 1945tik gaurdaino
- Gaiak:
- Generoa eta sexualitatea | Eragin artistikoa | Ibilbide artistikoa | Denbora | Konposizioa | Lan-prozesua | Sinbologia | Tamaina | Infinitua
- Mugimendu artistikoak:
- Arte Garaikidea
- Artelan motak:
- Eskultura
- Aipatutako artistak:
- Kusama, Yayoi
Yayoi Kusamak 1960ko hamarkadan sortutako Metaketa saileko eskultura askok etxeko objektuak dituzte, hala nola altzariak, arropa, zapatak, maletak zein haurtxoen orgatxoak, gehien-gehienak ere manufakturatutako objektuak. Artistak eskuz jositako olanazko zakuekin egindako faloen antzeko forma eskultorikoekin estaltzen zituen objektu horiek, eta margotu egiten zituen ondoren. Kusamak azaltzen duenez, paradoxa dirudien arren, bere fobiaren jatorria adierazteko zerabilen forma obsesiboki errepikatuz lortu zuen sexuari zion beldurrari aurre egitea. Bere barne-borroka azaleratu nahi zuen forma falikoak sortuz eta bazter guztietan erakutsiz.
Aulki batek galdu egiten du bere funtzioa, eta inguruan dituen eskultura bigun ugarien metaketak kolonizatutako organismo bihurtzen da; horrela, bere atalen batura baino handiagoa den osotasun bihurtzen da. Emaitza objektu misteriotsu bat da, asoziazio organiko eta erotiko konplexu bezain bitxiak eragiten dituena. Garaiko kritikak adierazi zuen bezala, Kusamak ederki daki “nola errepikatu elementu txiki bat behin eta berriz, harik eta unitate bikain bat sortu arte”.
Infinitu-sare erraldoiak margotzeko prozesu nekezarekin gertatu zen bezala, eskultura bigun horiek bata besteari josteko eta, hala, gainazal handiak estaltzeko denbora luzea behar izan zuen artistak; eta aldi horietan behin baino gehiagotan ospitaleratu behar izan zuten, lan-saio luzeek eragindako nerbio-krisien ondotik. Metaketa, nolabait ere, artelan amaigabe bat islatzeko ahalegin heroiko eta hutsala da.