Yayoi Kusama: 1945tik gaurdaino
Titulurik gabea (Infinitu-sare margolan baten ebakina), 1960
Letra-metaketa, 1961
Iruzkinak
Transmigrazioa, 2011
- Izenburua:
- Transmigrazioa, 2011
- Erakusketa:
- Yayoi Kusama: 1945tik gaurdaino
- Gaiak:
- Emakumea artean | Eragin artistikoa | Ibilbide artistikoa | Kolorea | Konposizioa | Sinbologia | Budismoa | Bizitza | Kutsadura | Itsasoa | Japonia
- Mugimendu artistikoak:
- Arte Garaikidea
- Teknikak:
- Olio-pintura
- Artelan motak:
- Pintura (olio-pintura)
- Aipatutako artistak:
- Kusama, Yayoi
Lau mihisez osatutako poliptiko bat duzu aurrez aurre, eta Kusamaren Infinitu-sareak lan enblematikoak ageri dira bertan. Neoi kolore irisatuz osatutako paleta ezohiko bat ageri du: berde biziak magenta koloreko hondo biziaren gainean. Kusamak 2011n margotu zuen lan hau, Japoniako Tohoku eskualdea suntsitu eta Fukushimako hondamendi nuklearra eragin zuten lurrikara eta tsunamia igaro ondotik. Paneletan barrena ageri zaizkigun tonu artegagarriek kostaldeko eta itsasoko kutsadura erradioaktiboa iradokitzen dute.
Transmigrazioa izenburuaren bidez, bizitza batetik bestera igarotzeari egiten dio erreferentzia, berraragitzeari; kontzeptu hori oso garrantzitsua da budismoan eta Asiako beste erlijio batzuetan. Koadro hau egiterakoan, hondamendia itxaropen- eta biziberritze-mezu bihurtzen duen artelana sortu zuen Kusamak.
Infinitu-sareen efektua artistaren beste lan batzuetan ere ikus daiteke, hala nola eskultura bigunez osatutako eremu uhinduetan eta ispiludun geletan. Artistak oraindik ere jarraitzen du Infinitu-sareak sortzen, eta horrek ederki erakusten du zer-nolako garrantzia duten haren ibilbidean.