Paris, mende amaiera: Signac, Redon, Toulouse-Lautrec eta garaikideak
Maurice Denis: Apirila (Anemonak) [Avril (Les anémones)], 1891
Maximilien Luce: Écoleko kaia, Paris, ilunabarrean (Quai de l'école, Paris, le soir), 1889
Iruzkinak
Charles Filiger: Emakume gaztea otoitzean atzealdean paisaia duela (Jeune femme priant sur fond de paysage), Ca. 1903
- Izenburua:
- Charles Filiger: Emakume gaztea otoitzean atzealdean paisaia duela (Jeune femme priant sur fond de paysage), Ca. 1903
- Erakusketa:
- Paris, mende amaiera: Signac, Redon, Toulouse-Lautrec eta garaikideak
- Gaiak:
- Erlijioa | Espiritualtasuna
- Aipatutako artistak:
- Filiger, Charles
Erruki emozio apal bat, fede epela eta zalantza gabea: hori da lan honetako konposizio orekatuan eta kolore bizietan dagoena. Eszena markoztatzen duen eta hura zonalde kromatikoetan zatitzen duen dekorazio-orlak Erdi Aroko elizetako beirateak ekartzen dizkigu burura. Gaztearen jarrerak, otoitz egiteko eskuak elkartuta eta begirada horizontean finkatuta dituela, ikono bizantinoen konposizioa eta transzendentzia-zentzua gogorarazten dizkigu. Bere aurpegiera delikatuak eta ile-horiak Italiako trecento eta quattrocento-ko birjina eta santuetan pentsatzera eramaten gaituzte. Iraganeko artearekiko erakarpen indartsua eta fede erlijiosoa zentzu transzendentearekin irudikatzeko asmoa erakusten duten erreferentzia ugari ditu pintura honek.
Horrelakoa da Paul Gauguinen jarraitzaile sutsua zen Charles Filigeren lan hau. 1880ko hamarkadan, Gauguinek Martinikan igaro zuen denboraldi bat, naturarekin harreman estuago bat bilatu nahian. Frantziara bueltatu zenean Pont-Aven Bretainiako herrian kokatu zen, hiriko bizitzatik urrundu nahi zuten beste hainbat pintoreren antzera. Gauguin -en ikerketak bere taldeko pintore asko animatu zituen bide beretik lan egitera, eta horrela garatu zen Sintetismoa. Lan honetan eskola horretako zenbait ezaugarri nabaritzen dira, hala nola, perspektiba tradizionala ukatzea, formak kolore-lauko azaleretara murriztea eta espiritualtasunaren bilaketa.
Erdi Aroko oihartzunengatik, pentsa genezake landa-paisaia horretan otoitz egiten ari den neska gazteak Ama-Birjina edo Joana Arc-ekoa irudikatzen duela. Lan hau Ohar kromatikoak izeneko ziklo bati dagokio. 1900e an ekin zion zikloari artistak, eta hura osatzen duten konposizioen simetria da haien ezaugarri nagusia.