Paris, mende amaiera: Signac, Redon, Toulouse-Lautrec eta garaikideak
Pierre Bonnard: Ikuzle txikia (La Petite blanchisseuse), 1896
Maurice Denis: Apirila (Anemonak) [Avril (Les anémones)], 1891
Iruzkinak
Henri-Edmond Cross: Itsas zakarra (La mer clapotante), Ca. 1902-05
- Izenburua:
- Henri-Edmond Cross: Itsas zakarra (La mer clapotante), Ca. 1902-05
- Erakusketa:
- Paris, mende amaiera: Signac, Redon, Toulouse-Lautrec eta garaikideak
- Gaiak:
- Argia | Kolorea | Natura | Emozioa
- Mugimendu artistikoak:
- Neoinpresionismoa
- Teknikak:
- Dibisionismoa
- Artelan motak:
- Pintura
- Aipatutako artistak:
- Cross, Henri-Edmond | Seurat, Georges
Henri-Edmond Cross pintore frantsesak Inpresionismoaren altzoan hasi zuen bere ibilbidea. 1883an Monet ezagutu zuen eta, bere garaiko beste artista batzuen moduan, natura irudikatzeko interesa hartu zuen, momentu jakin bateko argiaren efektupean. Hortik aurrera, bere sorkuntzak errealitatearen imitaziotik urruntzen joan ziren: bere konposizioak ikuspegi tradizionaletik aldendu ziren eta kolore gero eta aseagoak erabiltzen hasi zen.
Lan bikain honetan, badirudi paisaia aitzakia bat besterik ez dela kolore bizien errepertorioa erakusteko; pintzelkada labur eta motzen bidez lortzen du hori, puntutik okertutako lineara doazen forma desberdinekin. Kolore hauek emozioak pizteko eta efektu estetikoak sortzeko gaitasunagatik nahasten dira, eta ez dute naturaren argia islatzeko asmotan . Itsasertzaren lerroa ere ez da modu ortodoxoan irudikatzen, perspektiba geometrikoaren edo atmosferikoaren arauak jarraitu gabe marraztuta baitago. Aitzitik, ia plano berean gainjarrita dauden harkaitzen marrazkiek irudi japoniarrak ekartzen dituzte gogora.
Izan ere, grabatu japoniarrak izan ziren artistaren inspirazio iturri garrantzitsuenetako bat. Halaber, neoinpresionisten aitzindari izan zen Georges Seuraten lanak ere eragin handia izan zuen berarengan. Cross eta Seurat lagunak egin ziren 1884an. Seuratek teknika dibisionista garatu zuen kolorearen pertzepzioaren teoria zientifikoetan oinarrituta. Bere estiloaren ezaugarrietako bat kolore oso asedun pintzelkada bananduak eta zehatzak aplikatzea zen , ikuslearen pertzepziotik abiatuta orbana optikoki eraikitzeko helburuarekin. Banandutako pintzelkada bizi horien aztarna ikus daiteke lan honetan. Hemen, argia erakusteko borondatea gainditu du artistak, eta kolorea dekorazio-zentzu batekin, mosaiko gisa aplikatzeko erabakia hartzen du.