Paris, mende amaiera: Signac, Redon, Toulouse-Lautrec eta garaikideak
Camille Pissarro: Artaldea, Éragny-Sur-Epte (Le troupeau de moutons, Éragny-Sur-Epte), 1888
Odilon Redon: Itsasontzia (La barque), 1894
Iruzkinak
Paul Ranson: Soilunea edo basoaren ertza ("La Clairière" edo "L'orée du bois"), Ca. 1895
- Izenburua:
- Paul Ranson: Soilunea edo basoaren ertza ("La Clairière" edo "L'orée du bois"), Ca. 1895
- Erakusketa:
- Paris, mende amaiera: Signac, Redon, Toulouse-Lautrec eta garaikideak
- Gaiak:
- Espiritualtasuna | Natura
- Mugimendu artistikoak:
- Akzionismoa | Sinbolismoa
- Artelan motak:
- Pintura
- Aipatutako artistak:
- Ranson, Paul
Aurrealdean ageri diren forma makurreko zuhaitz-enborrak itzaletan daudela dirudite, adarrak pixkanaka argirantz igotzen diren artean. Atzean, basoaren soilunean, epeltasun hori batek inguratzen du beste zuhaitz batzuen goiko aldea.
Baliabide gutxi erabiliz, Paul Ransonek arrunta eta interesik gabea izan zitekeen paisaia natural bat ametsezko agertoki bihurtzen du: bertan, irrikaz nahiz beldurrez gaude agerraldi magikoen zain, izaki fantastiko edo mitologikoekin eta piztiekin topo egiteko esperoan. Artistak argiarekin jolasten du batez ere: lehen planoa itzaletan aurkezten du; bertan, lurreko zein enborretako zonalde ilunak ukitu more irrealekin nabarmentzen dira. Basoaren ertzetik harantzago, soilunea irekitzen den tokian, argi horiak hartzen du protagonismoa. Gainera, Ransonek zuhaitz estilizatu eta okerrak zehaztu ditu, eta adarrek koadro osoan zehar errepikatzen diren kurba leunak osatzen dituzte.
Modu horretan, Ransonek konposizioaren bereizgarri diren arintasun eta irrealtasun sentsazioa sortzea lortzen du. Baso soil bat irudikatuz, misterio sentsazioa agerrarazten du. Urte horietan Europa osoan garatu zen pintura sinbolistaren ezaugarrietako bat da hau.
Ranson nabien taldeko beste sortzaileetako bat izan zen. Beste guztiek bezala, Gauguinen eragina izan zuen, formen murriztapen sintetikoari eta koloreen erabilera espresiboari dagokionez. Iraganeko artea eta irudi japoniarrak ere izan zituen inspirazio iturri. Gainera, antzerkiko eszenografien diseinua bezalako arte aplikatuekiko interesa ere erakutsi zuen. Hala ere, bere lanak nabien taldeko gainontzeko artistenengandik urruntzen dira, gai espiritual, erlijioso eta misteriotsuak lantzen dituztelako. Artista-talde honetako kideen artean bazegoen liluramendu bat ezkutuko gauzen aurrean. Sinesmenaren eta fartsaren artean irekitzen den espazioan mugituz, erritu-zeremoniak ere ospatu zituzten. Ranson izan zen bilaketa horiek gehien garatu zituena, bere lanen bidez.