Paris, mende amaiera: Signac, Redon, Toulouse-Lautrec eta garaikideak
Paul Ranson: Soilunea edo basoaren ertza ("La Clairière" edo "L'orée du bois"), Ca. 1895
Georges Seurat: Artistaren ama, eserita (La mère de l'artiste, assise), 1882 eta Atezaina (Concierge), 1884
Iruzkinak
Odilon Redon: Itsasontzia (La barque), 1894
- Izenburua:
- Odilon Redon: Itsasontzia (La barque), 1894
- Erakusketa:
- Paris, mende amaiera: Signac, Redon, Toulouse-Lautrec eta garaikideak
- Gaiak:
- Natura | Subjektibotasuna
- Mugimendu artistikoak:
- Sinbolismoa
- Artelan motak:
- Pintura
- Aipatutako artistak:
- Redon, Odilon
Haize leun batek bultzatuta, badirudi Odilon Redon-ek irudikatutako itsasontzia irristatzen dela uraren azaleratik. Ontziak ezer berezirik ez duela esan genezake, baina uraren urdin sakonak eta zerua argiztatzen duten koloreek, moretik izokin-kolorera, obrari ukitu magiko eta irreala ematen diote, desagertzear egongo balitz bezala.
Redonen lanaren ezaugarrietako bat hori bera da, errealitateko irudia artistak antzematen duen moduan islatzea, hain zuzen ere. Irudikatzen dituen elementuen aukeraketa eta kolorearen tratamenduak itxura iradokitzailea ematen diote pinturari. Errealitatea abiapuntutzat hartuta, Redon harantzago joaten zen: irudi sinbolikoak eta transzendenteak eratzen zituen, eta ikuslearen subjektibotasunari dei egiten zion horrela. Horregatik da Redon Sinbolismoaren ordezkari garrantzitsuenetako bat.
Horrela azaldu zuen artistak nola lan egiten zuen naturaren imitaziotik abiatuta. 1894ko aipua da hau, margolanaren urte berekoa hain zuzen:
"Harritxo bat, belar izpi bat, esku bat, profil bat edo bizitzako beste edozein gauza bizi edo inorganiko xehetasunez kopiatzen saiatzen naizenean, asaldurak hartzen nau eta sortzeko beharra sentitzen dut, irudizkoaren errepresentazioak gidatu nazala nahi dut. Modu honetan sortu eta dosifikatutako natura da nire iturria, nire legamia, nire hartzigarria. Uste dut hor dagoela nire benetako asmaketen jatorria".