Egon Schiele
Neska gaztea etzanik, erdi jantzia, 1911
Berrerospena (Erlösung), 1913
Iruzkinak
Autorretratua zilborra agerian, 1911
- Izenburua:
- Autorretratua zilborra agerian, 1911
- Erakusketa:
- Egon Schiele
- Gaiak:
- Giza gorputza | Artea eta psikologia | Artea eta emozioa | Eragin artistikoa | Sorkuntza artistikoa | Kolorea | Perspektiba | Erretratua eta autorretratua | Antzerkia | Sentimenduak
- Mugimendu artistikoak:
- Espresionismoa
- Teknikak:
- Akuarela | Marrazkia
- Aipatutako artistak:
- Schiele, Egon
Schiele-ren artea dramatikoa da funtsaz: irudien gehiegizko keinuak ez dira naturalak. Gorputz-adierazpena aldartearen islatzat jo behar da.
Schieleren autorretratu bikainek haren artearen oinarriak argiro laburbiltzen dituzte. Perspektiba desorekatzen zuen. Keinuaren eta aurpegi-espresioaren arteko inkongruentzia sorrarazten zuen. Teknika horiek eta autorretratu askotako gehiegizko dramatizazioa garai hartako antzerki espresionistaren ezaugarriak ere badira.
Antzerki-abangoardia absurdoaren eta ilunaren zalea zen. Schielek, askotan, tenteturiko ile-adats bat zuela irudikatzen zuen bere burua. Pailazo bat gogoraraz dezake, irudi irrigarri bat, alegia.
Luzaturiko soinak jomuga bat ematen du, ukabilkada bat jasotzeko prest. Schielek sabelalde angeluzuzenaren azal zurbilaren eta arropen beltz sakonaren arteko kolore-kontrastea gailendu zuen. Gorputzak forma itxia hartzen du, eta, osotasunean, sabelaren forma angeluzuzena gogora ekartzen du. Besoak falta dira, antza; baina, bizkarraren atzean dauzka tolestuak.
Artistaren begiak ispiluari so daude, galdezka. Schielek mendetako arau baten aurka egin zuen, nahita. Gizonezkoen erretratuek ziurtasuna, harrotasuna, kontrola, agertu ohi zuten. “Nik ez dut horrelakorik”, adierazi bide zuen.
Autorretratuak egitea obsesio bihurtu zen Schielerentzat. Emaitza satirikoa da batzuetan, demoniozkoa kasik beste batzuetan. Bere burua nazkagarri, zimel edo sufritzen margotu zuen askotan. Aita sifiliak jota hil zitzaion, eta, esan genezake, Schiele gaztea horrek bereziki ondoezten zuela.
“Bizirik dagoen bitartean, hilda dago dena”.