Egon Schiele
Anton Josef Trčka eta Johannes Fischer
Sezesioaren 49. erakusketarako horma-irudia, 1918
Iruzkinak
Artistaren koinata Adele Harms-en erretratua, 1917
- Izenburua:
- Artistaren koinata Adele Harms-en erretratua, 1917
- Erakusketa:
- Egon Schiele
- Gaiak:
- Artea eta psikologia | Artea eta emozioa | Sorkuntza artistikoa | Kolorea | Mugimendua | Erretratua eta autorretratua
- Teknikak:
- Marrazkia
- Aipatutako artistak:
- Schiele, Egon
Schiele Edith Harms-ekin ezkondu zen 1915ean. Adele, Edithen ahizpa zaharrena, agertzen da lan honetan. Schieleren estudioko gortina batez eginiko soineko marradunaz jantzia dago. Schielek bi emakumeen erretratuen eta biluzien sorta bat egin zuen 1917an.
Adele beltzarana zen eta Edith ilehoria, baina artistak ez zion ile-koloreari garrantzirik ematen, eta, ondorioz, sarri zaila da irudikatutakoa zein den esatea.
Schielek ez zuen horrelako erretraturik egiten, alegia, ohiko erretratu tradizionala. Hala ere, ohi moduan, emakumearen izaera indartsua, adoretsua adierazten du garbi. Era berean, pentsakor, malenkoniatsu azaldu zuen Adele.
Arretaz eta xehetasunez beteta irudikatu zituen burua eta sorbaldak, baina, beherantz egin ahala, xehetasunaz galtzen doaz; gorputz behealdea zirriborro antzekoa da. Oso landutako eskuak dira salbuespena. Horiek Adele Harms izaki indartsua eta kementsua zela adierazteko baliatu zituen. Lan osoari mugimendua emateko, soineko estanpatua nabarmendu zuen.
Ukitu gorriek eta berdeek, aurpegian eta eskuetan, eta ileko laranja biziak ikuslearen begirada erakartzen dute. Modeloaren begien tratamendua ere bikaina da.