Surrealismoaren gauzak
Natura bitxi bihurtzen da
"Art of this Century"
Atalak
Biomorfismoa AEBn
- Izenburua:
- Biomorfismoa AEBn
- Erakusketa:
- Surrealismoaren gauzak
- Gaiak:
- Sorkuntza artistikoa | Forma | Sinbologia | Erakusketak | Erbestea | Bigarren Mundu Gerra | Natura | AEB | Automatismoa | Subkontzientzia
- Mugimendu artistikoak:
- Surrealismoa
- Aipatutako artistak:
- Kiesler, Frederick | Matta, Roberto | Noguchi, Isamu
1930eko hamarkadan New Yorkeko Museum of Modern Art-en eta Julien Levy-ren eta Pierre Matisse-ren galerietan egin ziren erakusketa batzuek biomorfismoa Surrealismoaren alor estetiko gisa hedarazten lagundu zuten. Hala ere, II. Mundu Gerratik ihes egindako artista europarren eraginez lortu ahal izan zen Surrealismoaren ideiak eta praktikak elkartzea eta lehen planoan jartzea. Surrealisten taldeko aitzindari gehienak 1939 eta 1941 urte bitartean iritsi ziren New Yorkera; belaunaldi gazteena izan zen, ordea, indar sortzaile berria ernarazi zuena.
Lan gehiena Roberto Matta Echaurren karismadunaren inguruan sortu zen, teknika automatikoak eta ikonografia biomorfoa ondo menderatzen baitzituen. Artista eta diseinatzaile askorentzat biomorfismoak psikologiarekin eta subkontzientearekin zituen loturek sinbolo eta esanahi berriei bide eman zieten. Bai Frederick Kiesler-ek bai Isamu Noguchi-k forma organikoen hizkuntza berezi bat garatu zuten, arte ederren, arte aplikatuen, arkitekturaren eta diseinu komertzialaren mugak gainditzen zituena, eta ondorioz Iparramerikako diseinu garaikidean eragin handia izan zuena.