Surrealismoaren gauzak
Biomorfismoa AEBn
Naturaren formak
Atalak
"Art of this Century"
- Izenburua:
- "Art of this Century"
- Erakusketa:
- Surrealismoaren gauzak
- Gaiak:
- Artea eta espazioa | Artea eta pertzepzioa | Sorkuntza artistikoa | Argia | Diseinua | Arte-galeriak | New York | Peggy Guggenheim
- Mugimendu artistikoak:
- Arte Abstraktua | Arte Zinetikoa | | Surrealismoa
- Artelan motak:
- Arkitektura
- Aipatutako artistak:
- Kiesler, Frederick
1942an New Yorkeko West 57. kalerako “Art of This Century” museo/galeria egiteko Frederick Kiesler-ek jaso zuen eskariak aukera eman zion diseinu/korrelazioari buruz zuen teoria aplikatzeko. 1930eko hamarkadaren azken urteetan garatu zuen kontzeptua zen hura, eta errealitatea indar ikusgai eta ikusezin batzuek osatzen dutela adierazten zuen.
Museo/galeriak lau gune desberdin zituen, abstrakzioari, arte zinetikoari, aldi baterako erakusketei eta Surrealismoari eskainitakoak. Surrealismoaren aretorako Kieslerrek tunel bat sortu zuen, leize-zulo antzeko bat, alegia. Peggy Guggenheim-en jabetzako pinturei markoak kendu zizkieten eta hormetatik ateratzen ziren beso zabalgarri batzuen gainean ipinita aurkeztu ziren. Hiru segundo eta erdiko tarteetan argiztatzen ziren, eta argiak itzali egiten ziren aldizka, tren baten hotsak ikuslearen zentzumenak nahasten zituen bitartean aretoa ilunpean utziz.
Kieslerrek aztertutako “errealitate berri” hark subjektuak eta objektuak bat egitea zekarren halabeharrez. Hark zioenez, gizaki primitiboak “markorik eta ertzik gabe tailatu eta pintatu zituen bere leize-zuloko edo labarretako hormak, bere obrak espaziotik edo bizitzatik —bere animalien, bere deabruen eta bere buruaren inguruan zerion espazio horretatik, bizitza horretatik— ez banantzeko”.