Surrealismoaren gauzak
Surrealismoa eta publizitatea
Protesta: Balleta
Atalak
Larruen Venusa
- Izenburua:
- Larruen Venusa
- Erakusketa:
- Surrealismoaren gauzak
- Gaiak:
- Generoa eta sexualitatea | Giza gorputza | Artea eta literatura | Artea eta mitologia | Artea eta psikologia | Eragin artistikoa | Sinbologia
- Mugimendu artistikoak:
- Surrealismoa
- Artelan motak:
- Argazkia | Ikus-entzunezkoa | Pintura
Gauzak fetitxe bihurtzea izan zen Surrealismoan gehien erabili izandako estrategietako bat. Freud-ek honela definitu zuen fetixea: faloaren ordezko bihurtzen den objektua edo gorputz zatia, eta desio sexualaren xedea. Fetixe bihurtutako gorputz-zatien irudiak —begiak, bularrak, eskuak, hankak eta oinak— ugariak dira testu, argazki, pintura, pelikula eta objektu surrealistetan.
Larruak eta hauek pubiseko ilearekin duten asoziazio argia fetixizaziorako taktika nagusi bilakatu ziren surrealistentzat. Asko miresten zuten 1870ean Sacher Masoch-ek idatzitako Venus im Pelz (Larruen Venusa) nobela, non pertsonaia nagusia larruz jantzitako dominatrix bat den. “Masokista” terminoak obra honetan du bere jatorria, eta argi eta garbi erlazionatzen zituen masokismoa eta fetitxizazioa.
Gainera, animaliatzat hartutako gizakiaren kontzeptua planteatu zuen larruen motiboak, Zera-ren (id) inguruan —plazer oinarrizkoenen asebetetasun primitiboarekin erlazionatzen den psikearen zatia— Freudek landutako nozioan ere aztertzen zen ideia, alegia. Gai hau obra ugaritan aztertu zuten surrealistek, batik bat gizakia eta animalia bat eginda agertzen diren Minotauroaren mitoaren bitartez.