Surrealismoaren gauzak
"Art of this Century"
Gorputza erakustea
Atalak
Naturaren formak
- Izenburua:
- Naturaren formak
- Erakusketa:
- Surrealismoaren gauzak
- Gaiak:
- Sorkuntza artistikoa | Forma | Materiala | Sinbologia | Natura | Subkontzientzia
- Mugimendu artistikoak:
- Surrealismoa
- Teknikak:
- Dekalkomania | Frottage
- Aipatutako artistak:
- Arp, Hans | Miró, Joan | Tanguy, Yves
Naturan aurkitzen diren objektuak, adibidez harriak, hezurrak edo mareak arrastaka ekarritako egurrak, dituzten ezaugarri formal eta sinbolikoengatik, oso material erakargarriak ziren surrealistentzat. Artista askok naturatik hartutako objektuak biltzen zituzten, eta hainbat erakusketa eta aldizkari surrealistak objektu aurkituak barne hartu zituzten, besteak beste, forma arraroak zituzten sustraiak, harribitxiak edo kristalak. Sortzaile batzuek teknika automatiko desberdinak erabili zituzten, frottage-a eta dekalkomania adibidez, ezohiko egitura naturalak dituzten paisaien irudiak sortzeko. Metodo horiek zorian oinarritzen ziren subkontzientetik irudiak erauzteko.
Forma organikoak eta lerromakurrak Hans Arp-ek garatu zituen hasiera batean, eta eragin handikoak izan ziren. 1930eko hamarkadatik aurrera Joan Mirók forma amorfoak eta zeinu sinpleak erabili zituen motibo primitibo edo xumeen ikonografia berezia sortzeko; Yves Tanguy-k bestalde, mukuluan modelatutako forma biomorfoak sortzen zituen.
Leunki puztutakoak eta irregularrak diren formen ugaritasun hori naturaren ilustrazio zientifikoekin konparatu izan zuen batek baino gehiagok. 1931n hauxe zioen kritikari batek: “Miróren mihiseak mikroskopiotik ikusitako paisaia errealen transposizio artistikoak dira besterik gabe”.