Surrealismoaren gauzak
Gorputza erakustea
Mitoa eta musa
Atalak
Manikia
- Izenburua:
- Manikia
- Erakusketa:
- Surrealismoaren gauzak
- Gaiak:
- Gizakia | Generoa eta sexualitatea | Manikia | Artea eta gizartea | Edertasuna | Paris | André Breton | Dualtasuna | Subkontzientzia
- Mugimendu artistikoak:
- Surrealismoa
Surrealistentzat, manikiak bizitza modernoaren kontraesanak irudikatzen zituen. Bizidunaren eta bizigabearen, gizakiaren eta makinaren, maskulinotasunaren eta femeninotasunaren, sexudunaren eta sexugabearen eta, azken finean, bizitzaren eta heriotzaren arteko mugak nahasten zituen. Eta produktua, simulakroa, objektu erotikoa eta makurkeriaren irudia zen aldi berean.
Freudentzat, hauek ziren objekturik makurrenak: argizarizko irudiak, panpina artifizialak eta automatak. Gainera, subkontzientetik irtendako gizaki primitibo erreprimituaren irudi ziren baita ere harentzat manikiak. André Bretonek “edertasun asaldua” deitutakoaren irudi gailentzat zituen.
1938an Parisen egindako Exposition Internationale du Surréalisme erakusketak surrealistei manikiek sortutako interesaren goren unea adierazi zuen. Bisitariak Rue Surréalistetik sartzen ziren erakusketan: pasabide bat zen, alboetan erakusleihoetako hamasei maniki zituena, bakoitza artista banak jantzia. Erakusketan oihartzun handia izan zuen sail honek bere garaian, fetitxe moduan jantzitako emakume haiekin, auzo baztertuetako bizimodua iradokiz.