Hiriko ikuspegiak: Parisko Eskola, 1900–1945
Henri Matisse, Italiar emakumea
Pablo Picasso, Txanbila, pitxerra eta fruta-ontzia
Iruzkinak
Albert Gleizes, Mediku militar baten erretratua
- Izenburua:
- Albert Gleizes, Mediku militar baten erretratua
- Erakusketa:
- Hiriko ikuspegiak: Parisko Eskola, 1900–1945
- Gaiak:
- Sorkuntza artistikoa | Geometria | Lan-prozesua | Erretratua eta autorretratua | Lehen Mundu Gerra
- Mugimendu artistikoak:
- Kubismo Analitikoa | Kubismo Sintetikoa | Kubismoa
- Artelan motak:
- Pintura
- Aipatutako artistak:
- Braque, Georges | Gleizes, Albert | Picasso, Pablo
Albert Gleizes Parisen jaio zen 1881ean eta, 1902rako, erakusketa bat egin zuen Arte Ederren Elkarte Nazionalean. Lehen Mundu Gerran, armadan zegoela, pintatzen segitu zuen, bere errejimentuko ofizialak, haren obra ezagutzen zuenez, zirujauaren etxean bizitzeko baimena eman baitzion. Artelan hau zirujau horren, Lambert doktorearen, erretratua da, izena inon agertzen ez den arren. Medikua behatzeko eta aztertzeko aukera asko izan zituenez, Gleizesek arretaz erreparatu zien egindako zirriborroei konposizioaren harmonia lortu ahal izateko. Erritmo zirkular bat sortu zuen, berrikuntza bat kubismoaren arloan, kubismoa berez zurrunagoa baitzen. Gorde diren pintura honen zortzi zirriborroetatik, zazpi Guggenheim bildumakoak dira. Horiei esker, konposizioa ontzeko prozesua ikus dezakegu, baita buruaren planoen egituraketa konplexua ere.
Gleizesek Georges Braque-ren eta Pablo Picasso-ren kubismo analitikoa baztertu eta gaiaren funtsa zuzenean agerian uzteko estilo baten alde egin zuen. Diagonal gurutzatuek eta eremu zirkular batzuek giza irudia marrazten dute eta plano zuri batzuk sortzen, zirujau-mantala sinbolizatzeko. Kolore distiratsuen plano zabal eta gainjarriak direla eta, Mediku militar baten erretratua Kubismoaren bigarren fasearen, Kubismo sintetikoaren, adibide da.