Hiriko ikuspegiak: Parisko Eskola, 1900–1945
Pablo Picasso, Mandolina eta gitarra
Jean Arp, Bost irudi zuridun eta bi beltzdun konstelazioa, III. bariazioa
Iruzkinak
Joan Miró, Paisaia (Erbia)
- Izenburua:
- Joan Miró, Paisaia (Erbia)
- Erakusketa:
- Hiriko ikuspegiak: Parisko Eskola, 1900–1945
- Gaiak:
- Eragin artistikoa | Sorkuntza artistikoa | Kolorea | Sinbologia | Paisaia | Paris
- Mugimendu artistikoak:
- Dadaismoa | Surrealismoa
- Artelan motak:
- Pintura
- Aipatutako artistak:
- Miró, Joan | Picasso, Pablo
Joan Miró Bartzelonan jaio zen 1893an. 1919an, Parisera heldu zen eta, han zela, Pablo Picasso aberkidea ezagutu zuen. Ordudanik, Paris eta Montroig artean eman zuen denbora. Montroig Tarragonako herri bat da, eta familiak masia bat zuen bertan. Mirók ekintza dadaista batzuetan gogoz parte hartu bazuen ere, geroago Pariseko surrealistekin bat egin zuen.
Paisaia (Erbia) Montroigen 1927an egindako pintura bat da. Mirók kontatzen zuenez, koadro hau udako arrastiri batek iradoki zion, erbi batek, eguzkia sartzen ari zela, soro bat ziztu batean zeharkatu zuenean. Zeruertzaren lerroak argi eta garbi bereizitako bi zatitan banatzen du pintura. Baliabide hori beste lan batzuetan ere erabili zuen, dirudienez, Modesto Urgell bere maisuaren eraginez. Urgellek ere ilunabarreko zeruertz luzeen bitartez zatitzen zituen eszenak.
Miróren erbia hainbat kolorez pintatutako izaki misteriotsua da, eta kometa baten hegaldi kiribiltsuarekin liluratuta dagoela ematen du. Horrez gain, zeru laranja bizia eta lur gorri iluna daude. Erbia eta kometa lotzeak eta lurra eta zerua antzera margotzeak lurreko eta zeruko indarrak eta errealitatea eta ametsen munduak berradiskidetzeko gogoa adierazten dute. Kontzeptu horiek maiz aurkitzen dira pintura surrealistan.