Hiriko ikuspegiak: Parisko Eskola, 1900–1945
Constantin Brancusi, Sorgina
Piet Mondrian, Pintura 2. zk./Konposizioa VII. zk.
Iruzkinak
Robert Delaunay, Zuhaitzdun Eiffel dorrea
- Izenburua:
- Robert Delaunay, Zuhaitzdun Eiffel dorrea
- Erakusketa:
- Hiriko ikuspegiak: Parisko Eskola, 1900–1945
- Gaiak:
- Eragin artistikoa | Sorkuntza artistikoa | Argia | Forma | Kolorea | Mugimendua | Nazioarteko Erakusketak | Eiffel dorrea
- Artelan motak:
- Pintura
- Aipatutako artistak:
- Braque, Georges | Delaunay, Robert | Delaunay-Terk, Sonia
XX. mende hasieran, Eiffel dorrea modernotasunaren ikur zen zalantzarik gabe. 1889ko Parisko Nazioarteko Erakusketarako eraiki zen eta azken teknologiak baliatuz sortutako komunikazio-dorrea zen; guztiz, berritzailea izan zen horregatik, baita altuera itzelagatik, garai hartako eraikuntzarik altuena baitzen.
Delaunay-k dorrea 1909an pintatu zuen lehenengo aldiz, Sonia Terk errusiarrari ezkon-hitza eman zionean. Lankide izan ziren bizitza osoan. Hurrengo urteetan, dorrea gaitzat baliatu zuen Robert Delaunayk, gutxienez hogeita hamar pinturatan. Lehenengo irudikapenetan, kolore-sorta mugatua eta forma sinpleak, bloke itxurakoak, erabili zituen. Ezaugarri horiek Braque-ren eta Cézanne-ren eragina aditzera ematen dute.
Zuhaitzdun Eiffel dorrea artistaren estiloan aldaketa bat gertatzen ari zela antzeman daiteke. Delaunayk 300 metroko dorrea irudikatzeko eta haren sekretuak azaleratzeko zatitutako planoak baliatu zituen. Dorrea ikuspuntu askotatik erakusten denez, dinamismoa hartzen du eta ikuslearen begirada zuzentzen du, goitik behera eta albo batetik bestera. Artelan honek erakusten duenez, Delaunay argia formetan barneratuz eta horiek zatikatuz irudikatzen hasi zen eta, hartara, objektua osagai askoz eratutako kaleidoskopio baten irudia dakar gogora.