Hiriko ikuspegiak: Parisko Eskola, 1900–1945
Alexander Calder, Romulo eta Remo
Joan Miró, Paisaia (Erbia)
Iruzkinak
Pablo Picasso, Mandolina eta gitarra
- Izenburua:
- Pablo Picasso, Mandolina eta gitarra
- Erakusketa:
- Hiriko ikuspegiak: Parisko Eskola, 1900–1945
- Gaiak:
- Artea eta emozioa | Eragin artistikoa | Sorkuntza artistikoa | Geometria | Kolorea | Lerroa | Tamaina | Natura hila | Frantzia
- Mugimendu artistikoak:
- Kubismoa | Surrealismoa
- Artelan motak:
- Pintura
- Aipatutako artistak:
- Picasso, Pablo
Picassok 1919an pasa zuen uda lehendabizikoz Frantziako Kosta Urdinean, eta hor hainbat marrazki eta akuarela egin zituen. Horien gaia leiho ireki baten aurrean jarritako mahai bateko objektu-multzo bat izan zen. 1924ko eta 1925eko udetan, kosta bereko Juan-les-Pins-en, tamaina handi eta kolore biziko gutxienez bederatzi natura hil pintatu zituen.
Mandolina eta gitarra da serie horretako artelanik handiena. Koadro honen bitartez, Picassok nabarmendu zuen kubismoaren printzipioek indarrean jarraitzen zutela, kritikari batzuk mugimendua baztertzen hasi baziren ere; nolanahi ere, Picassok surrealismoaren orduko proposamenak ere onartzen zituela agerian uzten du.
Margolan honen elementu bakoitzak poztasun-sentsazio bat eragiten du. Kolore primario biziko orbanak, irudi geometrikoez apaindutako guneak eta lerro oker zein horizontalak agertzen dira lan honetan. Horiek guztiek bizitasun handia ematen diote pinturari.
Parez pare zabaldutako leihoak, musika-instrumentuen lerro uhinduek, mahai-zapiaren estanpatuak, afrikar eraginpeko dekorazioa daukaten paretek eta kolorearen bizitasunak aditzera ematen dute Picassoren estiloa bilakaeran zegoela, estilo sentsual eta biomorfiko baterako bidea egiten ari zela.