Jeff Koons: atzera begirakoa

Atalak

Puppy

Zeruan egina serieko lanek sortutako eztabaidaren ondoren, Koons-ek lan berria aurkeztu zion kritikari eta publikoari, Puppy, eta haren lan ikonikoenetako eta maitatuenetako bat bihurtu zen. West Highland white terrier arrazako txakurkume baten lorezko monumentua da, eta Bad Arolsen-en, Alemanian, Kassel hiritik hurbil, kokatutako Waldeck-eko gaztelu barrokoaren patio nagusian ezarri zuten 1992an. Bertan, Documenta IX. edizioa egiten ari ziren. 11 metro garai zen lehen bertsio hura egurrezkoa zen eta proiektua amaitzean txikitu egin zuten. Geroago, Koonsek haren bertsio bat sortu zuen, altzairuzko egiturarekin. Lan hori Sydneyko Arte Garaikideko Museoan erakutsi zuten. 1997an Guggenheim Bilbao Bildumak eskuratu zuen eta, urte horretan, irailean, Museoaren eraikinaren aurrean behin betiko ipini zuten, Museoa inauguratzeko.

Loraldiaren fenomenoa oso garrantzitsua da obra honetan —Hutsalkeria eta Zeruan egina serieak gogoratzen dizkigu gaiak—, era desberdinean eta anarkikoan hazten delako, eta obra bizirik dagoela adierazten duelako. Ezaugarri horrek bizitzaren indarra —bere dimentsio espirituala barne hartua— adierazten du.

“Uste dut Puppyk arrakasta handia izan duela kontrolaren eta kontrol-ezaren gaiak jorratzen dituelako. Obra sortzeko kontrola beharrezkoa da baina, ondoren, askatu egin behar da”.