Migel Anjel eta bere garaia
Marcantonio Raimondi, [Errugabeen hilketa, 1509-1510]
Migel Anjel
Iruzkinak
Rafael, [Kumas-eko Sibila, ca. 1511]
- Izenburua:
- Rafael, [Kumas-eko Sibila, ca. 1511]
- Erakusketa:
- Migel Anjel eta bere garaia
- Gaiak:
- Artea eta mitologia | Eragin artistikoa | Sorkuntza artistikoa | Lerroa | Mugimendua | Agostino Chigi
- Teknikak:
- Marradura | Marrazkia
- Artelan motak:
- Freskoa
- Aipatutako artistak:
- Buonarroti, Michelangelo | Sanzio, Rafael | Vasari, Giorgio
Kumas-eko Sibila-ren marrazki zoragarri hau, Rafaelek sanginaz egina, Agostino Chigi bankariak enkargatutako freskoaren estudio bat zen, Erromako Santa Maria della Pace elizan haren familiak zuen kaperarako. Kumas-eko Sibila Napoli inguruko orakulu bateko emakume-apaiza zen. Virgilio-k Eneidan deskribatzen du nola lagundu zion haren heroiari, Eneas-i, infernura jaisten, aita, Ankises bila zezan. Gainera, Kristoren jaiotza iragarri omen zuen.
Bat-bateko imajina bat balitz bezalaxe, ikuslearen aurrean jarrera bare batetik Sibila bere eskuinalderantz bortizki mugitzen den unea jaso du Rafaelek. Amaierako freskoan begien bistakoa da arku baten gainean ezarrita dagoen aingeru batek, idazteko taula bat seinalatzen ari denak, atentzioa eman diola. 90 graduko bira egiten ari den bitartean, magalean zabalik duen liburuak erortzeko zorian dela ematen du.
Rafaelek trazu zabalez marraztu du irudia. Hala ere, trazu horiek ez ditu eraman argi gutxiago duten aldeetaraino. Bestalde, itzaleztatuta dauden gune gehienek trazu paraleloen eta elkar gurutzatutakoen marradura dute. Rafaelek arreta berezia jartzen du jantzien tolesen azpiko forma fisikoak berez duen itxuran. Marrazkiaren gainontzekoarekin kontrastean, argi eta garbi definitzen ditu tolesak, eta trazuetako batzuk lumaz eta tintaz nabarmentzen ditu gainera, adibidez Sibilaren oinetako behatzak.
Sibilaren mugimendu landua Rafaelen lehiakide zen Migel Anjelek Kapera Sixtinoaren sabaian pintatu zituen freskoen ondorio da. Vasari-k dioenez, Donato Bramante arkitektoak 1511n sabaiaren lehenengo erdia ofizialki ikusgai jarri baino lehen ere erakutsi zizkion Rafaeli. Baina Migel Anjelen aingeruak ez bezala, beren kasa dihardutela ematen dutelarik, Rafaelek lotura narratiboa sortzen du bere aingeruaren eta Sibilaren artean, espazioa hartuz irudiei antzematen zaizkien mugimendu askeagoen bitartez.