Migel Anjel eta bere garaia
Rosso Fiorentino, [Deikundea, ca. 1531-1532]
Migel Anjelen biografia
Iruzkinak
Migel Anjel, [Kristo hilaren aurrean aieneka (aurrealdea), ca. 1530]
- Izenburua:
- Migel Anjel, [Kristo hilaren aurrean aieneka (aurrealdea), ca. 1530]
- Erakusketa:
- Migel Anjel eta bere garaia
- Gaiak:
- Giza gorputza | Artea eta erlijioa | Sorkuntza artistikoa | Konposizioa | Mugimendua | Erlijio-margoa | Poesia
- Teknikak:
- Marrazkia
- Aipatutako artistak:
- Buonarroti, Michelangelo
Migel Anjelen fede sakona idatzi zituen sonetoetako batzuetan islatzen da. Haietako batean hauxe idatzi zuen:
Pinturak eta eskulturak beren xarma ahulak galtzen dituzte
eta Zeruko Maitasunari erregutzen ari natzaio berriro,
Gurutzean bere beso salbatzaileak luzatzen dituen horri.
Sanginaz egindako marrazkiaren erdian, Kristo hilaren aurrean aieneka izenburua duen honetan, gorputz geldoa mugimendu leunaz eta harmoniatsuaz jaisten ari dira.
Migel Anjelek ez du atzealdea definitu nahi izan eta Kristo, belaunak doblatuta dituela, zoruan makurtuta dagoen amaren magalera behera etortzen den unearen eszenan oinarritzen da.
Ama Birjinaren ezkerraldean Maria Magdalena dago, Kristoren gorputzari aldakatik helduz. Atzean bi gizon daude gorputzari enborretik eta luzatutako besoetatik eutsiz. Aurretik egindako taldeko obretan ez bezala, Kristo hilaren aurrean aieneka obran Migel Anjelek elkarri lotuta erakutsi ditu irudiak. Kristoren inguruan bilduta eta hanken eta besoen nahas-mahas konplikatu batean elkarri lotuta, tinko heltzen diote gorputz makurtuari, eror ez dadin. Behera etorritako gorputzaren mugimendua zutik, belauniko edo makurtuta agertzen diren irudien jarrera anitzei esker nabarmentzen da. Era berean, Migel Anjelek begiraden eta keinuen mugimendu zirkular batean elkartzen du taldea konposizioan.
Bere aurreneko estudioetan, Migel Anjeli muskulu-talde indibidualak erreproduzitzea interesatzen zitzaion argi eta garbi, anatomiari dagokionez perfektuak izanik; eta horregatik bakantzen zituen batzuk besteetatik. Kristo hilaren aurrean aieneka marrazki honetan lotura antzematen da gorputz-atal desberdinen artean eta trazuak gorpua gainerako irudietatik bereizteko ingerada gisa besterik ez du balio.