Migel Anjel eta bere garaia
Rafael, [Kumas-eko Sibila, ca. 1511]
Rafael, Eneas
Iruzkinak
Migel Anjel
- Izenburua:
- Migel Anjel
- Erakusketa:
- Migel Anjel eta bere garaia
- Gaiak:
- Giza gorputza | Artea eta erlijioa | Bildumagintza | Artearen historia | Sorkuntza artistikoa | Lerroa | Biluzia | Edertasuna | Vatikanoa | Peter Paul Rubens | Julio II.a
- Teknikak:
- Marradura | Marrazkia
- Artelan motak:
- Eskultura | Freskoa
- Aipatutako artistak:
- Buonarroti, Michelangelo
Halako atleta gazteei ignudi edo “gizon biluziak” ere deitzen zaie. Gizonezko gorputz perfektuaren edertasuna ignudiak jainkoak izatetik gertu eramaten zituen zerbait zen; beraz, gizakiaren munduaren eta zerukoaren arteko lotura adierazten zuen. Lamina hau, beso baten bi estudio biltzen dituena, Peter Paul Rubens-en bildumakoa izan zen bere garaian. Jatorriz, marrazkia Migel Anjelek Vatikanoko Kapera Sixtinoaren sabaian pintatu zituen hogei ignudietako baterako xehetasunezko estudioa zen.
Migel Anjelek doitasun eta xehetasun handiz erreproduzitu du gaztearen gorputz-enbor gihartsua. Trazuen presioa eta lerroen dentsitatea aldatuz tonu-gradazio sotila lortzen du. Marrazkiak nolakotasun eskultorikoa lortzen du lausotuta eta marradura finez eginda agertzen diren guneei esker. Burua eta gorputz-adarrak zirriborratuta daude besterik gabe. Migel Anjelek trazu paraleloen marradura bidez irudikatzen du forma irregularra. Jarreraren hedadura espaziala argia erortzen den moduak nabarmentzen du. Zuriak atletaren belaunak nabarmentzen ditu, baita gorputzaren aurrealdetik gurutzatuta duen besoa ere.
Kapera Sixtinoaren pintura Migel Anjelen obra famatuena da inolako zalantzarik gabe. Hala ere, artistak gogoz kontra onartu zuen proiektua, pintoretzat baino gehiago eskultoretzat hartzen baitzuen bere burua. Sabaiko freskoak Julio II.a Aita Santuak bere hilobirako eskatu zizkion eskulturetan lan egiten utziko ez ziolako susmoa zuen. Arrazoi horregatik, 1508ko kontratuan hauxe idatzi zuen nahiko tonu harroputza erabiliz: “Ni, Migel Anjel eskultorea naizen hau, gaur hasi naiz kapera pintatzen”. Ironikoki, amaitu zituen obra gutxietako bat izan zen.