Migel Anjel eta bere garaia
Rafael, [Biluzien estudioa, 1515]
Andrea del Sarto, [Gizon burusoil eta bizardun baten burua, ca. 1527-1529]
Iruzkinak
Pordenone, [Lumazko kapeladun gizonezkoaren gorputz-enborra, 1520-21]
- Izenburua:
- Pordenone, [Lumazko kapeladun gizonezkoaren gorputz-enborra, 1520-21]
- Erakusketa:
- Migel Anjel eta bere garaia
- Gaiak:
- Eragin artistikoa | Sorkuntza artistikoa | Konposizioa | Mugimendua | Erretratua eta autorretratua | Erroma | Tiziano Vecellio
- Mugimendu artistikoak:
- Barrokoa
- Teknikak:
- Marrazkia
- Aipatutako artistak:
- Buonarroti, Michelangelo | Pordenone, | Sanzio, Rafael
Pordenone-k 1521ean marraztu zuen zaldi gainean doan zaldizkoaren estudio hau, bere obra garrantzitsuenetako batean, Cremonako Katedraleko Gurutziltzatzearen eszenan lanean ari zenean.
Italiako iparraldean pintore ospetsua zen Erromara joan zenean, hain zuzen ere bere maisulanak egin baino urte batzuk lehenago. Erroman zela izugarrizko zirrara eragin zioten Kapera Sixtinoko Migel Anjelen freskoek eta Rafaelen obrak, eta horren ondorioz erabat aldatu zuen bere estiloa. Gertakari hori argi eta garbi antzeman daiteke Lumazko kapeladun gizonezkoaren gorputz-enborra izenez ezagutzen den bozetoaren trazu aske eta bizitasun handikoetan, Barroko goiztiarrari dagozkion konposizio-elementuak aurreratzen dituen horretan.
Gaztea oldarkor jiratzen da ikuslearengana ezpainak pixka bat zabalik dituela, hizketan hasteko gertu balego bezala. Pelikula bateko fotograma baten antzera, bozeto honek mugimenduaren une labur bat jaso du. Antza denez, Pordenonek oso azkar egin zuen marrazki hau, bat-bateko trazuez eginda baitago, bata bestearen gainetik eta zuzenketez beteta. Kapelaren lumak ia bereizi ezin diren lerroen nahas-mahas etereoa dira. Kapela eta gaztearen aurpegi espresiboaren itzaleztadura bakarrik daude trazu ilun eta ahalmentsuez zehaztuta.
Pordenoneren konposizioak grinaz eta mugimenduz beteta daude. Une dramatikoak, irudi eskultorikoen eskortzo ausartak eta argien eta itzalen arteko kontraste nabarmenak dira bere estiloaren bereizgarriak. Tamalez, bere garaikide izandako Tiziano maisuak itzal egin zion Veneziako pinturaren garapenean bete zuen zereginean.