Yoko Ono. Half-A-Wind Show. Atzera begirakoa
Sarrera
Gela erdia (Half-A-Room), 1967
Iruzkinak
Pinturak egiteko jarraibide batzuk (Instructions For Paintings), 1961 eta 1962
- Izenburua:
- Pinturak egiteko jarraibide batzuk (Instructions For Paintings), 1961 eta 1962
- Erakusketa:
- Yoko Ono. Half-A-Wind Show. Atzera begirakoa
- Gaiak:
- Artea eta filosofia | Artea eta gizartea | Esperimentazio artistikoa | Sorkuntza artistikoa | Lan-prozesua | Erakusketak | Japonia | New York | Tradizioa
- Mugimendu artistikoak:
- Arte Kontzeptuala
- Artelan motak:
- Performance
- Aipatutako artistak:
- Ono, Yoko
Yoko Ono 1960ko hamarkadaren hasieran egin zen ezagun, lehenik New Yorken eta ondoren Japonian, lan esperimentalak eta performanceak zirela eta.
Atal honetan, hasierako hainbat lan ikusiko dituzu 1961eko eta 1962ko Pinturak egiteko jarraibide batzuk barne. Ideiak ziren Onoren artegintzaren funtsa; horrelako lanak 1960ko hamarkadaren erdialdeko eta 1970eko arte kontzeptualaren aurrekari izan ziren.
Jarraibide hauei “do-it-yourself paintings” izena jarri zien; hau da, “zuk zeuk egiteko margolanak” eta New Yorken zuen loftean aurkeztu zituen. Ikusleek mihiseekin interakzio fisikoa izatea lortu nahi zuen, bai gainera ura botaz, su emanez edo besterik gabe, mihiseak beste modu batekoak irudikatuz. Yoko Onok kontzeptutik abiatuta gauzatze fisikoa edo mentala egitera gonbidatzen ditu ikusleak eta, hori eginda, demokratizatu egiten du prozesu artistikoa.
Hemen ikusten dituzun lanak 1962an egon ziren ikusgai Tokioko Sogetsu arte-zentroan. Erakusketa hau arte kontzeptualaren sorreran mugarria izan zela esaten da; izan ere, Onok mihiseak kendu eta jarraibideak bakarrik aurkeztu zituen, orduan senarra zuen Toshi Ichiyanagi musikagileak japonieraz eskuz idatziak.
Jarraibide hauen forma soilek estetika japoniar tradizionala eta Zen filosofia islatzen dituzte. Yoko Onok filosofia ikasi zuen Gakushuin unibertsitatean eta ekialdeko eta mendebaldeko filosofiaz zuen ulermena haren artelan batzuetan ikus daiteke.