Yoko Ono. Half-A-Wind Show. Atzera begirakoa
Eztul-lana (Cough Piece), 1961/64
Nahien zuhaitza (Wish Tree), 1996/2014
Iruzkinak
Ibai-zola (Riverbed), 1996/2014 eta Goizeko izpiak (Morning Beams), 1996/2014
- Izenburua:
- Ibai-zola (Riverbed), 1996/2014 eta Goizeko izpiak (Morning Beams), 1996/2014
- Erakusketa:
- Yoko Ono. Half-A-Wind Show. Atzera begirakoa
- Gaiak:
- Bizitza | Artea eta emozioa | Sorkuntza artistikoa | Argia | Materiala | Oreka | Sentimenduak
- Artelan motak:
- Instalazioa
- Aipatutako artistak:
- Ono, Yoko
Argitasuna azalduko zaigu berriro instalazio honetan, oraingoan, modu ukigarrian. Pieza dramatiko honen izena Goizeko izpiak da eta argi-izpiak erakusten ditu, galeriaren sabaitik irten eta beheko lurreraino iristen direnak. Argi-izpiak ehun soka sendo dira, lurrean marinel-korapiloen bidez ainguratuak.
1996koa da pieza hau eta Ono-k eguneroko gertaeren edertasunari egindako behaketatik sortutakoa da.
Egun batean, goizean sukaldera sartu nintzen eta sukalde osoa objektu batzuei eta besteei zerizkien argi-izpiz betea zegoela ikusi nuen. Izpi batzuk kizkurrak ziren, besteak sigi-sagatsuak, zuzenak, makurrak. Txundigarria izan zen. Ordutik, objektu bizigabeetatik datozen argi-izpiak irudikatzen ditut.
Galeriako lurraren gainean beste instalazio bat dago, Ibai-zola izenekoa. Oreka-lana izeneko lehenagoko jarraibide-pieza batetik dator lan honen ideia. Lan hartan, ibaiko harri bat hartu eta “pozaren mordoan” edo “tristeziaren mordoan” jartzera gonbidatu zuen jendea. Orekaren gaiari egiten dio erreferentzia pieza honek: tristuratik asko du bizitzak, baina baita pozetik ere.
1997an, Ibai-zola bihurtu zuen Onok harri-pila hura, “bizitzaren ibaia” irudikatzeko. Kultura eta erlijio askotan, hil osteko bizitzara iristeko gurutzatu beharreko ibaia ere gogorarazten du.