Yoko Ono. Half-A-Wind Show. Atzera begirakoa
Telefonoa labirintoan (Telephone in Maze), 1971/2011/2013
Oroimen bertikala (Vertical Memory), 1997
Iruzkinak
Oreka-lana (Balance Piece), 1997/2010
- Izenburua:
- Oreka-lana (Balance Piece), 1997/2010
- Erakusketa:
- Yoko Ono. Half-A-Wind Show. Atzera begirakoa
- Gaiak:
- Artea eta espazioa | Artea eta pertzepzioa | Eragin artistikoa | Sorkuntza artistikoa | Materiala | Oreka
- Artelan motak:
- Instalazioa
- Aipatutako artistak:
- Ono, Yoko
Oreka-lanak sukalde arrunt bat irudikatzen du: ontziak, zartaginak, sukaldeko tresnak eta altzariak oreka ezegonkor batean zintzilik daude, denak ezkerreko hormarantz grabitatuak. Tira egiten dien indar ikusezina hormaren beste aldean dago, ezkerrean: iman erraldoi bat, erakarmen-indarrak objektuei tira egiten diela. Albo bateranzko indar handi horrek zalantza eginarazten digu grabitateari eta orientazioari buruz jasotzen ditugun ideien inguruan.
Instalazio hau egiteko ideia berrogei urte lehenagokoa da, 1958koa. Hala idatzi zuen Ono-k garai hartan:
“Eraiki gela bat eta ipini / iman elektriko indartsu bat ezkerraldeko paretan / gelako gauza oro ezkerretara erakar dezan / pixka bat denboraz. / Zure bururako oreka ona izango da / eskuinaldera joateko joera baitu / pixka bat denboraz”.
Japonian hazi zenez, Onok presente du Zen budismoaren filosofia. Kasu honetan, instalazioak oreka unibertsalaren printzipioa ekartzen du gogora, ying eta yang. Ezin da harmoniarik lortu harmoniaren aurkako egoerarik gabe.