Yoko Ono. Half-A-Wind Show. Atzera begirakoa
Eulia (Fly), 1970
Ur-ekitaldia (Water Event), 1971/2014
Iruzkinak
Kilkerren oroimenak (Cricket memories), 1998
- Izenburua:
- Kilkerren oroimenak (Cricket memories), 1998
- Erakusketa:
- Yoko Ono. Half-A-Wind Show. Atzera begirakoa
- Gaiak:
- Artea eta gizartea | Artea eta politika | Artea eta emozioa | Sorkuntza artistikoa | Gerra | Gogoeta | Indarkeria
- Artelan motak:
- Instalazioa
- Aipatutako artistak:
- Ono, Yoko
Instalazio honen izena Kilkerren oroimenak da eta sabaitik zintzilik jarritako garai bateko Txinako hamahiru kilker-kaiolak osatzen dute. Espazio berean, aulki eta mahai zuri bat daude, eta haren gainean, azal gogorreko koaderno bat; liburuxka horrek parte hartzera gonbidatzen gaitu.
1998koa da eta Onoren betiko konpromiso politikoari egindako jarraipena da, gerraren aurkako eta bakearen aldeko jarrerarena, hain zuzen. Instalazioko etiketek adierazten dute kilkerrak hogeigarren mendean gerrak jotako tokietan harrapatutakoak direla: Sarajevo 1914an, Stalingrad 1942an, Dresden 1945ean, Mai Lai (Vietnam) 1968an eta Soweto 1976an.
Alde horretatik, lana unibertsala da, ez baitio garai eta herrialde bakarrari erreferentzia egiten, baizik galdutako herrialde eta bizitza guztiei. Kilkerrek galera katastrofikoen oroitzapenak erakusten dituzte, jendeak elkarren aurka egiten dituen izugarrikeriak gogoraraziz. Lan honekin, memoria berreskuratzeko prozesuak jarraipena du; izan ere, Onok gogoetak idaztera gonbidatzen ditu bisitariak.
Lan honen gerraren aurkako mezuak Onoren ekimen hedatuenetako bat gogorarazten du, Ohean bakearen alde (Bed-infor Peace), alegia. Gizartea artearen bidez eraldatzeko xede horretan, 1969an, Yoko Ono eta John Lennon ohean egon ziren astebetez, jendaurrean, Vietnamgo gerraren aurkako protesta egiteko. Ekintza hura nazioartera ere iritsi zen eta ekintza artistiko bat zena, irismen handiko adierazpen politiko zabal bihurtu zen. Urte horretan, 1969an, Onok eta Lennonek Bed Peace filma zuzendu zuten; ikusgai dago didaktika-gunean.
Gerraren aurkako sentimendua berdina da hemen ere. Gerran sufritu dutenen oroimenez, Onok artea erabiltzen du bakearen alde egiteko.