Yoko Ono. Half-A-Wind Show. Atzera begirakoa
Denok gara ur (We all are water), 2006
Eulia (Fly), 1970
Iruzkinak
Filma 4. zk. (Ipurdiak), Fluxus filma 16. zk. [Film Nº. 4 (Bottoms), Fluxus Film Nº. 16], 2 bertsio, 1966
- Izenburua:
- Filma 4. zk. (Ipurdiak), Fluxus filma 16. zk. [Film Nº. 4 (Bottoms), Fluxus Film Nº. 16], 2 bertsio, 1966
- Erakusketa:
- Yoko Ono. Half-A-Wind Show. Atzera begirakoa
- Gaiak:
- Giza gorputza | Artea eta umorea | Esperimentazio artistikoa | Lan-prozesua | Edertasuna | Gogoeta
- Mugimendu artistikoak:
- Fluxus
- Artelan motak:
- Happening-a | Ikus-entzunezkoa
- Aipatutako artistak:
- Ono, Yoko
Bere belaunaldiko beste artista asko bezala, film esperimentalak egiten ere aritu zen Yoko Ono.1964tik 1972ra hemeretzi film egin zituen eta hemengo hauxe da horien artetik ezagunenetako bat, Filma 4. zk. , askotan Ipurdiak ere deitu izan zaiona.
Bi bertsio daude eta bietan ikus daiteke ipurdi biluzien segida bat. Onoren lagun artistenak dira batzuk, ahoz ahokoari esker edo egunkarietako iragarki bidez aurkitu zuen jendearenak besteak. Yokoren estudioan bildu ziren film bateko happening batean parte hartzeko.
Lehen planoko ikuspegiak iradokizun erotiko oro kentzen dio irudiari. Segidak ez du batere kontakizunik. Film hau Fluxus mugimenduaren lan gailena da; ezin daiteke beste Fluxus filmekin alderatu. 1960ko hamarkadaren hasieratik 1970ekoaren amaierara arte iraun zuen Fluxus mugimenduaren kide gailen bat zen Ono. Artista talde hark hainbat baliabiderekin egiten zuen lan eta ekitaldi eta kontzertu asaldatzaile eta umoretsuak eskaintzen zituzten. Filmak ere egiten zituzten eta horietan baliabidearen aukerak behartu egiten zituzten, Onok hemen egin duen moduan; hau da: ez zuten istoriorik kontatzen, ez zuten gertaeren berri ematen, baizik eta ekintza isolatu eta ñimiño bat aurkezten zuten, abiadura azkarrean zein motel-motelean grabatutakoa.
Filma 4. zk. lanaren bigarren bertsioaren soinu-bandan parte hartzen dutenei egindako elkarrizketen pasarteak daude txertatuak: iruzkinak, zinemagintzan egin duten ibilbideari, egiten dituzten paperei eta jendaurrean azaltzeari dioten beldurrari buruz. Soinu-bandaren erdian, Onoren ahotsa entzungo dugu eta filmaren helburua zein den azalduko digu: kontzientzia zabaltzea, arretarik eskaintzen ez diogun gorputzaren zati baten edertasun xaloa erakutsiz.